ZabilianZ

#ZabilianZ March 31: Aizawl Municipal Corporation ward V-na bialtu Corporator Rosiamngheta'n tukin khan a ward chhunga Zarkawt Local Council hnenah Computer set (UPS telin) a pe a. Hemi rual hian khawtlang cheimawi kawnga hmalakna turin property tax return atangin cheng engemawzat a hlan tel bawk. AMC ward V-na bialtu Corporator Rosiamngheta chuan a bialah KYC (know your citizen) kalpui an tum thu sawiin, a bial/ward chhunga awm te mumal taka computer hmanga chhinchhiaha vawnthat tura hma an lak mek thu a sawi a. Hemi kawngah hian a bial/ward chhunga Local Council te pawhin an thlawp tha nia sawiin, ward chhunga awm khua leh tui te mumal taka Local council ten an lo chhinchhiah fel chu tunlai khawvelah thil tul tak nia a hriat thu a sawi bawk.#zabilianz #zabilianznews #zofatehuapzo

#ZabilianZ March 31: UD&PA Deptt., Aizawl Municipal Corporation (AMC) leh Central YMA te tangtlangin vawiin khan Aizawl-ah faina hnatlangpui an kova. Aizawl veng hrang hrangah Local Council leh YMA branch te kaihhruaiin mipui thahnem tak an hnatlang. Aizawl veng engemawzat chu zingkar-ah an hnatlang a, faina hnatlangpui hawnna hun erawh chu vawiin chawhma dar 10 khan Sikulpuikawn-ah UD&PA Minister K. Sapdanga hova neih niin, Aizawl Mayor Lalrinenga Sailo leh UD&PA leh AMC hotute, CYMA hruaitute leh a bulhnai YMA branch hrang hrang member te an tel. Faina hnatlangpui hi UD&PA, AMC leh CYMA-in kum 2025 – 26 chhunga Aizawl khawpui faina kawnga thawhhona thuthlung an siam bawhzuina hmahruai a nih thu sorkar thuchhuah chuan a tarlang a. He thawhhonaah hian YMA branch te faina kawnga inelna pawh neih tur niin, hei hi vawiina Faina hnatlangpui hawnna-ah a khuhhawnna hun hman nghal a ni.#zabilianz #zabilianznews #zofatehuapzo

#ZabilianZ March 28: Mamit District Jail atanga nimina tlanchhuak pahnih zinga pakhat zawk chu nizan vek, zanlai pelh hnu, zinglam dar 1:30 vel khan Mamit-ah man leh a ni a, pakhat zawk pawh vawiin chawhma lam khan Mamit-ah bawk man leh a ni. Nimin tlai lam dar 3 vel khan rukruk avanga man - Alex R. Vanlalhruaia (30), Chhinga veng, Aizawl leh Malsawmlawmpuia (25), Bazar veng, Mamit te chu an tanna Mamit district jail atanga tlanchhuakin, Jail complex ami bike - Phoenix (TVS) MZ 08-3070 an ruchhuak bawk a. Malsawmlawmpuia zawk chu nizan vek khan man leh niin, an bike ruk chhuah pawh hmuhlet leh a ni a. Alex R. Vanlalhruaia pawh vawiin chawhma lam khan Mamit-ah bawk man leh a ni. Jail tang tlanchhuak, man leh tak - Alex R. Vanlalhruaia (30), Chhinga veng, Aizawl chu mi in rawk thubuaiah kum 2023-a man niin, kum 2 leh thla 2 tang tura convict tawh a ni a. Malsawmlawmpuia (25), Bazar veng, Mamit pawh rukruk thubuaia kum 2024-a man, thla 6 tang tura convict tawh nia thudawn a ni. Jail tang ...

#ZabilianZ March 27: Former Legislators Association of Mizoram (FLAM)-in vawiin khan General body meeting neiin, Mizoram Chief Minister hmasaber Pu Ch. Chhunga (L) nupui Pi Rothangi, Saron veng, Aizawl leh MLA hlui Pu Lalrinliana (L) nupui Pi Nghakliani, Dawrpui, Aizawl te hnenah kum 100 an tlin avanga lawmpuina an hlan. Chief Minister hmasaber Pu Ch. Chhunga (L) nupui Pi Rothangi chu taksa chaklohna avangin a aiawhin a fanu Pi Chalthanpuii'n lawmpuina hi a dawnsak a. MLA hlui Pu Lalrinliana (L) nupui, kumin January ni 5-a kum 100 tling Pi Nghakliani erawh chuan kum za tlin lawmpuina hi amah ngeiin Chief Minister Pu Lalduhoma kut atangin a dawng thei thung. FLAM hi kum 1994 a din niin, member 117 leh associate member (Ex-MLA/MP te an thih hnua an aiawh an nupuite) 59 an awm mek a. Mizoram UT inthlan hmasaber 1972 -a tling mi 30 leh nominated member 3 zing ami 7 an la dam a, an zinga pathum te chu vawiina an meeting-ah hian an tel thei a ni.#zabilianz #zabilianznews #zofatehuapzo  

#ZabilianZ March 27: Mizo Cyclist Vanlallawmzuala Varte, Mission Veng chu nikuma ride to clean air' tih thu kenga thirsakawra India ram a fan hnu ah Asia Book of Records-ah thirsakawr hmanga chho zawnga tlan thui ber' tia chhinchhiah a ni ta. Lza Varte tia hriatlar hian nikuma thirsakawr hmanga India ram a fan khan India rama state 28 leh union territory 5 te tlawh vekin, km 17,474.38 a tlan a, hetah hian kawng chho metre 1,13,278 (km 113.278) a tlan a ni. Boruak a lo thianghlim zel theihna tura tlangaua, mi te zirtir tura a zinkawng hi January 25, 2024 khan Aizawl atangin a tan a, ni 204 a thang hnu ah February ni 17, 2025 ah Aizawl-ah a let leh a ni.#zabilianz #zabilianznews #zofatehuapzo  

#ZabilianZ March 27: Nizan zanlai pelh hnu dar 12:35 vel khan Lawngtlai district-a Diltlang South khua-ah chhungkaw 9 in an luah lai in 7 leh dawr 4 chu bungraw chuh hmanlohvin a kang ral a. Kangmei hi a chhuahna in hnuaia thuk atanga chhuak nia hriat a ni. Thudawnnain a sawi danin, Diltlang South khuaa kangmei chhuak hian chhungkaw 9 chenna in 7 leh dawr 4 bakah hian a bulhnaia RCC building rel lai hnuaia bungrua leh thingzai te pawh a kang ral a, bike 1 a kang chhia a, vawk 1 a kanhlum bakah dawr 1 thiah a ni bawk. #zabilianz He kangmei chhuak avang hian nunna chan leh hliam an awm lo nia hriat a ni a. Central YLA-in kangmei tuar chhungkua te a tul ang anga puiin hma an la nghal a ni. Chief Minister Lalduhoma pawhin he kangmei chhuak tuartute a tawrhpui thu social media kaltlanga puangin, sorkar pawhin a theih ang anga a ngaihven tur thu a sawi bawk. #zabilianz #zabilianznews #zofatehuazpzo

#ZabilianZ March 26: Urban Development & Poverty Alleviation (UD&PA) department bultumin district tinah school bungraw inthleng runpui neih chhoh mek a ni a. Tun thla ni 19 khan UD&PA Minister Pu K. Dapdanga'n Aizawl-ah a hawng a. District dang-ah vawiin atang khan tan a ni bawk. Aizawlah chuan UD&PA Sanitation site office, Solomon’s Cave Opposite-ah he hun hi hman mek niin, district khawpui danga neih te nen tun thla ni 28 thleng a awh ang. School bungraw inthleng runpui-ah hian zirlaibu, uniform, pheikhawk leh zirna atana tangkai thil dang te an kengkhawm a, an mamawh ang ang te a thlawna lak theih a ni a, bungraw inthleng te chu felfai taka chhinchhiah a ni. Zirlaibu hlui, uniform hlui leh zirna atana tangkai thei thil dang te paih mai lova inthleng kual chu sum tam tak khawhral tur venna tha tak a nih thu a buatsaihtute chuan an sawi a. Zirlai leh nu leh pate pawh zirlaibu leh uniform hlui leh zirna atana tangkai thei thil dang an neihte tiral mai lova, hetiang ...

#ZabilianZ March 26: Mizoram Journalists’ Association (MJA)-in vawiin khan I&PR Auditorium, Champhai-ah General Conference vawi-51-na an hmang a. Home Minister K. Sapdanga'n a hmanpui. MJA inkhawmpui-ah hian kum 2024-25 chhunga MJA member chatuan ram pan ta te - Lalhmingmawia, Editor, Pasalṭha, Champhai Cable Network neitu ni bawk; Johan Lalhmunmawia, DDK Stringer, Lunglei; TC Lalmuankima, Reporter, Akashvani Aizawl leh H. Lalngaihawma, Editor, Hnehtu te sunna hun an hmang a. Prominent Journalist thar K. Zothankhuma, Editor, Virthli; T. Lalhmachhuana, Editor, Dingdi leh CS Chawngchhuma, Editor, Hnamdamna te hnenah chawimawina hlanin, Journalist pension-te hnenah ngaihhruina thilpek an hlan bawk.#zabilianz  MJA inkhawmpui hmanpuitu K. Sapdanga chuan MJA chu eizawnna hmanga khawtlang rawngbawltu leh sorkar khalh ngil ṭhintute awmna a nih thu a sawi a. Thuthar thehdarhtute chu democracy sorkar lungphum palina (4th Estate of Democracy) an nih angin, sorkar fakna ziak kur nguai lova...

#ZabilianZ Mar 11: Mizoram sorkara Women & Child Development-in vawiin khan DMC, Pipu tlang, Dawrpui-ah International Women’s Day hmangin, Khawlrinpuii, Khatla South hnenah Zakapa Award an hlan a. Mizo hmeichhe dinhmun chawisan kawnga chawimawi phu mi 33 te hnenah chawimawina an hlan bawk. Zakapa Award dawngtu Khawlrinpuii, Khatla South hi February 14, 1959-ah Arte khuaa piang niin, a fate nen Khatla South, Aizawl-ah an cheng mek a. Lehkah zir sang lo mahse, hmeichhia leh naupangte humhalh kawngah theihtawp chhuahin hma a la thin a, hetiang lam hawi training ATI-in a buatsaihah te pawh a tel hram hram thin. Thenawm khawvengah nupa kar buai te, fa inchuh te leh harsatna dang a awm pawha an koh ber thin niin, hmeichhia humsual dai Home-a dah ngai buaipuite, naupang Home-a dah te leh a tul dan anga FIR thehluh te leh midangte himna tura Child Welfare Committee, Women Commission leh Home hrang hrang te tlawh thin a ni. Hmeichhia leh naupangte tana a inpekna avang hian MHIP Khatla branc...

#ZabilianZ Mar 01: ZPM President Lalliansawta'n vawiin khan Reiek Community Hall-ah Reiek ZPM unit buatsaih VC inthlan zawh taka ZPM party-in Reiek khuaa hnehna an chan avanga Pathian hnena lawmthu sawina hun a hmanpui a. Rinawmna tello chuan ramin hma a sawn chak thei lo niin a sawi. ZPM President chuan Mizoram Union Territory a nih hnuah 'Sem sem dam dam' tih chu a reh tial tial niin a sawi a. Mizoram mipui ten rinawmna an tlachham chho ta hle nia sawiin, "Hun a lo kal zel a, miṭhahnemngai ten mipui zawng zawng huapzo tur ZPM an din a, kan party chuan hun hmasa lama Zoram kalphung enin 'Mipui Sorkar' kan inti kher a ni" a ti.#zabilianz Party hrang hrangin buaina an neih ṭhin chu rinawmna an tlachham tlang niin ZPM President chuan a sawi a. "Tu te emaw rinawmloh avangin party headquarters atanga unit level thlengin a chhungah nget a awm ṭhin" tiin, ram leh khawtlang rorelnaah pawh rinawmna tlakchham avangin ram mipui ten an tuar ṭhin tih a sawi....

#ZabilianZ Mar 01: Vawiin khan Mission Foundation Movement (MFM)-in Sihphir-ah Sihphir, Lungdai leh Durtlanga Mizoram Iskut Grower Association te hnenah Iskut enkawlna atana hman tur Leiṭha a sem a, he hun hi Agriculture Minister PC Vanlalruata’n a telpui. Iskut chingtu chhungkaw 60 hnenah leiṭha hi sem a ni a,  he project hi Ministry of Tribal Affairs hnuaia Support to Tribal Research Institute fund niin, Social welfare & Tribal Affairs Department kaltlanga thawh a ni.#zabilianz Tunhnai kum engemawzat atang khan Sihphir leh a chhehvela Iskut thar chhuah a tlem sawt hle nia sawi a ni a, he research project hnuaiah hian Iskut chingtute dinhmun leh an hmalak mekna bakah harsatna an tawh hrang hrang te zirchian mek a ni bawk. Agriculture Minister PC Vanlalruata chuan kum 10 vel kalta atang khan Iskut thar chhuah a tlem tial tial nia sawiin, tunah phei chuan tih tham thar chhuah a awm ta meuh lo niin a sawi a. Isktut thar chhuah a tlem chhan hrang hrang zirchiang tura ke pen an awm...