#ZabilianZ June 24, 2026: Excise & Narcotics Department leh 14th Bn. Assam Rifles te thawkdunin nizan dar 8:10 khan Champhai district-a Zote leh Bulfek inkar kawngah Heroin gram 141.420 (hawng 12) leh a neitu nia puh mi pahnih – Nianglamnuami (26) leh Lalnunmawii (30), Mual Nuam Bethel, Champhai nia inchhal ve ve te an man.
Ruihhlo vanga mante hi The Narcotic Drugs & Psychotropic Substances Act, 1985 (NDPS Act) tlawhchhana thubuai siamsak niin, vawiin khan Court-ah hruai an ni.
Excise & Narcotics Department chuan kuminah vawiin thlengin Heroin Kg 15.117, Methamphetamine Kg 62.704 leh Crystal Meth Kg 9.807 an man tawh a. Ganja Kg 128.544 man tawhin, ruihna atana hman thin khuh damdawi bur 7509; ruihna atana hman thin damdawi - Alprazolam mum sing 2, sang 7 leh 173; Nitrazepam mum sing 1 leh 183; Clonazepam mum 3371 leh Tramadol mum 5375 an man tawh bawk.
Excise & Narcotics Department-in a chhinchhiah danin kuminah vawiin thlengin Mizoramah ruihhlo avanga thi mi 26 (mipa 23 leh hmeichhia 3) an awm tawh a. Kum 1984 atanga vawiin thlengin ruihhlo avanga thi 2023 (mipa 1776 leh hmeichhhia 247) an awm tawh a ni.#zabilianz #zabilianznews #zofatehuapzo
0 Comments