#ZabilianZ June 13, 2026: Aizawl-a Local Council 7-a bye-election neih tur atana inbuatsaihna kal mekah nimin khan draft electoral roll tlangzarh a ni a. Local Council bye-election draft electoral roll atan hian AMC inthlan 2026-a AMC electoral roll hman a ni.
Nimina tlangzarh tak draft Local Council electoral roll atanga a lan danin, LC bye-election neihna tur - Durtlang-ah voter 3673 (mipa 1690 leh hmeichhia 1983) an awm a. Zotlang-ah voter 2515 (mipa 1121 leh hmeichhia 1394); Luangmual-ah voter 3710 (mipa 1729 leh hmeichhia 1981); Dawrpui vengthar-ah voter 3048 (mipa 1349 leh hmeichhia 1699); Bungkawn-ah voter 3544 (mipa 1643 leh hmeichhia 1901); Republic veng-ah voter 3199 (mipa 1436 leh hmeichhia 1763) leh Salem veng-ah voter 4168 (mipa 1944 leh hmeichhia 2224) an awm a ni.
Local Council bye-election neihna tur veng te tan hian tun thla ni 24 thlengin electoral roll atanga paih, thun thar, siamthat ngai leh insawn duhte tan dilna hun hawn a ni a. Dilna lut te chu tun thla vek ni 25 -27 chhungin endik a ni ang.#zabilianz #zabilianznews #zofatehuapzo
0 Comments