#ZabilianZ June 30, 2026: Congress party-in Congress Bhavana Golden Hall-a 'Remna Ni' an lawmnaah MPCC President Lal Thanzara'n "remna leh muanna kan neih na tura hmalak a nih lai khan India ramah Congress sorkar lo sela chuan hetiang hun hi kan hman a rinawm loh." a ti.
MPCC President chuan "Morarji Desaia te, opposition hotute kha 'Mizoram mipuite chu uihum lek an ni alawm, man khawm vek ila hmun hrang hrangah dah darh vek ila titute an ni" tiin, INC hruaitu Indira Gandhi leh Buta Singh te avanga inbiakna neih theih niin a sawi.
Lal Thanzara chuan "khatihlai khan Mizoramah Pu Hawla kaihhruai sorkar awm lo se chuan remna leh muanna a thlen a beiseiawmloh" a ti a. "Mizo mipui tawngtaina, kohhran hruaitute hmalakna, pawl hrang hrang leh zirlaite leh party te hmalakna avangin remna leh muanna kan nei thei a ni" a ti bawk.#zabilianz #zabilianznews #zofatehuapzo