#ZabilianZ July 2, 2026: Social Welfare, Women & Child Development Department leh Toyota Kirloskar Motor-in Mizorama mitdel ten zirna kawnga hma an sawn theihna tura thawkdun turin vawiin khan thu an thlung.

He inremna thuthlung hi Social Welfare, Women & Child Development Dept. aiawhin Commissioner & Secretary Social Welfare, Women & Child Development Lalzarmawii'n hming a ziahhnan a, Toyota Kirloskar Motor aiawhin Vice President - External Affairs & CSR Ramesh Rao-a'n hming a ziahhnan bawk.#zabilianznews
Inremna thuthlung ang chuan a thawhkhatna atan Special Blind School, Durtlang hnenah Navinaut Assistive Mobile Device 250, Braille computer, printer leh AI scanner pek a ni ang a. Thawhkhatna dinhmun thlir chungin thawhhnihna-ah Navinaut Assistive Mobile Device 930 sem belh leh tura ruahman a ni.
He hun hmanpuitu Social Welfare, Women & Child Development Minister Lalrinpuii chuan Mizoram sorkar leh Toyota-in thawkdun tura thu an thlung thei chu lawmawm a tih thu a sawi a. Bhubaneswar City Knowledge Innovation Cluster (BCKIC) buatsaih CSR & Sustainability Conclave 2025-a a tel ve tuma Toyota hotute nen an inbiakna kal zelin a hrin a nih thu a sawi bawk.#zabilianz #zabilianznews #zofatehuapzo