MPCC Treasurer-in thu dik tawk lo hmanga mipui bum tumah MNF Adviser a puh

#ZabilianZ Oct 24: MPCC Treasurer, MLA inthlan lo awm tura Aizawl South II biala INC Candidate ni bawk Dr. Lalmalsawma Nghaka'n MNF Party Adviser, Cabinet Minister leh MLA inthlan lo awm tura Aizawl West II biala MNF Candidate ni bawk Lalruatkima'n tun thla ni 21-a thuthar thehdarhtute a kawmnaa an party manifesto za-a 80 tihlawhtling tawh anga a sawi chu thu belhchian dawllo leh mipui rilru hruai kawi tumnaah a puh.

MPCC Treasurer chuan MNF flagship program - SEDP chungchang sawiin, kum 2018 inthlan dawnah MNF hotu ten an sawi nasa nia sawiin, an hotupa phei chuan Mizorama chhungkua zawng zawng (NLUP dawng tawh te pawh huam vekin) chhung tinin cheng nuai thum an dawn tur thu a sawi nasa tih a sawi a. Tun dinhmunah SEDP chu chhungkaw nuai khat leh singhnihin dawng tawha chhut a nih thu sawiin, first phase-ah chhungkaw 60000 hnenah Rs. 50,000 \heuh pek an nih tawh thu leh hei hi an tiam nuai 3 tanga chhuta za-a 16 chauh a nih thu a sawi.

SEDP Second phase-ah chhungkaw 60000 hnenah Rs. 25,000 theuha first instalment pek a nih thu MPCC Treasurer chuan sawiin, hei hi an taim nuai 3 atanga chhuta za-a 8 vel chauh a nih thu a sawi a. "Third phase tur erawh membership drive leh campaign fund atana hman an tum kha chunglamin a remti lo a niang MCC puan a nih avangin an che thei ta lo a ni" a ti.

MNF sorkarin SEDP Board 14 a dinah Vice-Chairman leh member atan thiam thil bik nei em em pawh ni lo party mi duhsak zawng an ruat \euh niin MPCC Treasurer chuan a sawi a. Board tin hman tur lirthei 2 \heuh, support staff nen pek an nih thu leh hemi atan hian thlatin Rs. nuai 37, kum khatah Rs. nuai 444 khawral anga chhut a nih thu sawiin, SEDP Board te chuan eng hlawhtlinna nge an neih tih mipui ten hriat an chak niin a sawi.

Mizoram State Healthcare Scheme (MSHCS)-ah pawh chhungkaw tin tan Rs. nuai 2 \heuh an tiam tih sawiin, damlo inenkawlna Rs. vbc 63.88 an la pe thei lova, an la bat sak mek niin a sawi a. "MNF Healthcare Scheme hi mipuiin inbumna mai nia an ngaih avangin kumin 2023-24 chhung hian enrolment pawh za-a 32.75 in a tlahniam niin a sawi.

MPCC Treasurer chuan MNF sorkarin Rs. vbc 1000 Asian Development Bank a\angin damlote hospital bill rulhna tur puk an la tum mek chauh niin a sawi a. Thenkhat chu kum 2 chuang bill tang nghak tawhte an nih thu sawiin, heng mi te hian healthcare-ah sorkar chu hlawhtling an tih a rinawm loh thu a sawi. "Khawiahnge Rs. vbc 150 SEDP a\anga healthcare scheme atana an dah hran tawh te kha?" a ti bawk.

Lengpui Airport thawmthat chungchang pawh sawiin, MPCC Treasurer chuan "Kan CM hian Lengpui Airport siam\hata India rama Airport cute ber pawla siam a tum thu kha a sawi a, Rs. vbc 19.95 lai sengsova an sakthat laiin a chim a nih kha, hengte hi hlawhtinna kan la ti zel dawn em ni?" a ti a. "Airport sak lai chim avang hian hrem an awm tawh em?" a ti.

"CM hian Aizawl chu ‘Traffic Jam Free City’ ah siam tumin kawngchhawng leh PAHOSS te an sawi \hin" tih pawh sawiin, MPCC Treasurer chuan Deputy CM press statement a\anga a lan danin parking spaces 11 chiah 403 zingah hawn a la nih thu a sawi a. Zaa 2.7 chauh beneficiary 403 zingah a tihlawhtling an awm tihna a nih thu leh parking lot dang 392 te chu engtin nge ni zel dawn tih a zawt.

MPCC Treasurer chuan contract leh supply chungchangah mumal zawka kal an tum thu pawh MNF manifesto-a langsar tak pakhat a nih thu sawiin, "Kamrula leh Zoramchhana vulh chiam mai hi kan sorkar hian helama an hmalakna langsar chu a ni ber awm e" a ti a. Kamrul Laskar ringawt pawhin sorkar a\angin contract Rs vbc 11,643 a hmu nia hriat a nih thu a sawi.

KR Construction chu Lengpui Airport thawmthat hna thawh mek laia chim taah pawh contractor a nih thu leh work order pawh chhuah hma thla ruk hmalama CMO a\anga green signal hmua hna a lo thawh tan daih tawh thu te hriat a nih leh zel thu te MPCC Treasurer chuan a sawi a. Mipui sum Rs. vbc 19.95 chu engtiang takin nge an suasam tih chu Zoram mipuite hmuh theihin a awm nia sawiin, "BJP chuan Delhi lamah Gautam Adani an nei a, MNF ve thung chuan Mizoramah Kamrul Laskar an nei ve thung" a ti.

MNF sorkarah NECS inrawlhna Rs. vbc 4.88 lai holam taka khawhralna Darlak - Sihthiang kawng chungchang pawh mipui ten an la hre reng niin a sawi a. "Hmanni lawkah Rs. vbc 1,387.5 central atanga fund rawn kal hmangin restricted tenders 109 lai chu CM chan PWD department in ni 11 chhung lekin an pass fel tih kan hmuh bawk kha" a ti.

Mizoram State Lokayukta Chairperson chuan hnathawk tak tak turin sorkarin a thuam tha tawklo tih a sawi niin MPCC Treasurer chuan a sawi a. A hmingin Lokayukta chu ha nei si lovin an din nia sawiin, "hnathawhna hmanrua pe si lova pawngpaw din tawp chuan awmzia a neih loh zia chu Airport renovation chungchanga CM laka case thehluh serious tak pawh hmasawnna a awm hleitheilo reng a ni" a ti.

"Mizoram Lok Ayukta in case pahnihah CBI ko lut turin a ti a, Mizoram sorkarin a ko lut duh lo" a ti bawk.

Mau chungchang pawh a hlawhtling tawk lo nia a lan thu sawiin, MPCC Treasurer chuan tumahin an sawi tha peih tawh lo niin a sawi a. Lengpui leh Hmunpui lama pilot project an tih te chu engtiang taka hlawhtling nge tih video nen tarlang thei se a duhawm thu sawiin, "A nursery leh a chi supply kaihhnawih vela hlawhtling ta te chanchin pawh chiang zawk a hriat hi mipuiin kan chak a ni" a ti.