ZabilianZ

#ZabilianZ Dec 28: India Prime Minister hlui, tun thla ni 26 zan dar 9:51 a thi Dr. Manmohan Singh chu vawiin khan vui liam a ni. Kum 92 mi, kum 2004-2014 chhunga India Prime Minister, Congress party hruaitu Dr. Manmohan Singh vuina, Nigambodh Ghat crematorium, Delhi-a neihah hian President Droupadi Murmu, Prime Minister Narendra Modi, Defence Minister Rajnath Singh, Home Minister Amit Shah leh sawrkar mipawimawh dang engemawzat bakah Congress party hruaitu - Mallikarjun Kharge, Sonia, Gandhi, Rahul Gandhi leh hruaitu dang tam tak an tel. Dr. Manmohan Singh hi kar kalta Ningani khan AIIMS Hospital, Delhi-ah admit a ni a. Damdawi in-a admit a nih hnu lawk hian Congress party hruaitute leh BJP President JP Nadda te pawhin Prime Minister hlui dinhmun ngaihven hian AIIMS Hospital an pan nghal a ni. AIIMS Hospital, Delhi hotu ten Prime Minister hlui Dr. Manmohan Singh a thi tih an puan rualin Prime Minister leh India sawrkar mipawimawh dang te leh Congress party hruaitu engemawzatin an ui t...

#ZabilianZ Dec 26: India Prime Minister hlui Dr. Manmohan Singh chu zanin dar 9:51 khan AIIMS Hospital, Delhi-ah a thi. Kum 92 mi, kum 2004-2014 chhunga India Prime Minister, Congress party hruaitu Dr. Manmohan Singh hi kar kalta Ningani khan AIIMS Hospital, Delhi-ah admit a ni a. Damdawi in-a admit a nih hnu lawk hian Congress party hruaitute leh BJP President JP Nadda te pawhin Prime Minister hlui dinhmun ngaihven hian AIIMS Hospital an pan nghal a ni. AIIMS Hospital, Delhi hotu ten India Prime Minister hlui Dr. Manmohan Singh a thi tih an puan rualin India Prime Minister leh India sawrkar mipawimawh dang te leh Congress party hruaitu engemawzatin an ui thu an puang ve nghal a. India tan channa nasa tak a nih thu an sawi hlawm. Dr. Manmohan Singh hi PV Narasimha Rao Prime Minister a nih lai khan Finance Minister a ni thin a, 'India economic dinhmun siamthatu' tia sawi a ni hial thin.#zabilianz #zabilianznews #zofatehuapzo 

#ZabilianZ Dec 25: India President Droupadi Murmu-i'n Mizoram Larsap thar atan Gen. (Dr) Vijay Kumar Singh, PVSM, AVSM, YSM (Retd.) chu a ruat a. Mizoram Larsap nilai Dr. Hari Babu Kambhampati chu Odisha Larsap ni tura ruatin, a ni hian Odisha Larsap atanga banna thehlut President-in a pawmsak tak Raghubar Das a thlak ang. Mizoram Larsap thar tur Gen. (Dr) VK Singh hi May ni 10, 1951 a piang niin, Chief of Army Staff 24-na a ni a, Indian Army atanga a chawlh hnuah politics-ah a lut a, kum 2014 leh 2019 Lok Sabha inthlanpuiah te BJP ticket-a dingin Ghaziabad, Uttar Pradesh atanga thlan tlin a ni. Prime Minister Narendra Modi kaihhruai term khatnaah Minister of State for External Affairs, Minister of State (Independent Charge) for DoNER leh Minister of State for Statistics and Programme Implementation-te a chelh a. A term hnihnaah Minister of State for Road Transport and Highways leh Civil Aviation-te a lo chelh tawh bawk.#zabilianz #zabilianznews #zofatehuapzo

#ZabilianZ Dec 23: Airfield Veng tlangval, kum 31 mi David Lalmuanpuia thihna chungchangah Police-in mi pahnih - Airfield Veng VDP Secretary KT Zonunsanga (31) leh VDP member R. Lalhmangaihzuala (56) an man tawh. Thudawn danin David Lalmuanpuia thihna chungchanga Police-in an man te hi Court-ah inlan tawhin, Jail-ah dah an ni a. He thihna chungchang hi Police-in ngawrh takin an chhuizui mek a ni. Thudawn danin December ni 18, 2024 (Nilaini) zan inkhawm hlan khan Airfield bial Presbyterian Kohhran Pastor Quarters rawk a ni a, cheng singhnih sangruk vel a bo nia hriat a ni. Hemi zan vek dar 8 rik hma deuhin Airfield veng VDP ten an veng mi pahnih - David Lalmuanpuia leh a thianpa Lalduhsaka te chu VDP office-ah hruaiin thu an zawtfiah.#zabilianz VDP ten David Lalmuanpuia leh a thianpa Lalduhsaka te thu an zawhfiah hian kut an thlak nasa hle nia thudawn a ni a, hetih laia pawn lama lo awm an chhung hnai te pawhin VDP-in David-a te thiandun kut an thlak thawm chu an hre thei vek niin an sa...

#ZabilianZ Dec 20: Aizawla neih mek Winter Festival kharnaa inlan tura USA atanga lo kal Secondhand Serenade (John Vesely) chuan vawiin khan thuthar thehdarhtute kawmin, Aizawla concert a nei tur chu phurawm a tih thu a sawi. American one-man band tia sawi thin zaithiam, pianist leh guitarist ni bawk John Vesely chuan India rama concert a neih vawikhatna turah hian khawpui lian zawkah te pawh inlan theihna hun nei mahse, Aizawl a thlan chhan chu culture dang hlak tawn a chak vang niin a sawi a. A beisei ang ngeia nuam a tih thu sawiin, mipuite hawihhawmna chu nuam a tih chhan pakhat niin a sawi.#zabilianz Nakzana Lammuala concert a neih turah tualchhung band te nen an thawhho dawn em tih a la sawi theih loh thu sawiin, ruahmanna erawh a awm thuin thuthar thehdarhtute zawhna a chhang a ni. Secondhand Serenade chuan Aizawl thlen zanin concert a neihna hmun tur Lammual-ah Winter Festival a chhim thu sawiin, nuam a tih thu leh tualchhung zaithiam leh musician te chu a beisei phak baka tha ...

#ZabilianZ Dec 20: Mizoram Journalists' Association (MJA)-in Civil Hospital Aizawl leh Zemabawk-a Cancer Hospital-ah vawiin khan MJA Charity Fund atangin tanpuina an hlan. MJA General Hqrs. hian kumtin Krismas dawn apiangin miharsate tanpui nan Charity Fund an thawhkhawm thin a, kuminah pawh MJA member te bakah pawn lam mi thenkhatin sum an thawh tlingkhawm atangin Civil Hospital Aizawl Poor Fund-ah Rs. sing 5 leh Zemabawk-a Cancer Hospital Poor Fund-ah Rs. 37,370 an hlan a ni. Civil Hospital Aizawl-a Poor Fund atana MJA-in sum a pek hi MJA President C. Lalrambuatsaiha'n Senior Medical Superintendent, Dr. ST Lalruatfela kutah a hlan a. Dr. ST Lalruatfela chuan, Civil Hospital chu mipui pan hlawh ber pawl a nih avangin tanpui mamawh tak tak pawh an awm fo thu sawiin, MJA-in tanpuina sum a hlan pawh tangkai taka hman a nih tur thu a sawi.#zabilianz Civil Hospital Aizawl-a Senior Medical Superintendent chuan Hospital tihchangtlun kawngah theihtawp chhuah a nih thu sawiin, Health M...

#ZabilianZ Dec 20: Parliament thlasik thutkhawm neih mekah Mizoram atanga Rajya Sabha MP K.Vanlalvena zawhnate chu Union Minister pathumin an chhang a. Manipur chungchanga a zawhna erawh Union Home Minister-in chhanna a pe thei lo thung. K. Vanlalvena zawhna zing ami Mizoram chhim tawp leh Bay of Bengal tuifinriat kalpawhna tura kawngpui sial mek KMTTP Road project-ah kumin November thlengin Rs. vaibelchhe 356 hman ral a nih tawh thu te, KM 109 laih turah KM 70 a thui laih mek a nih thu te, KM 20 lei laih hna (Earth work) zawh a nih tawh thu te leh July 2025 a zawh hman tura ruahman a nih thu te-in Union Minister of State for External Affairs Kirti Vardhan Singh-a'n a chhang.#zabilianz Mizoramah Oil leh Natural gas zawn chhuah hna thawh mek a la ni em tih a zawhna chu Union Minister of State for Petroleum Suresh Gopi chuan Mizoram chu Block thumah thenin ONGC leh Vedanta Company ten an la thawh mek thuin a chhang a. Union Minister of State for Commerce and Industry Jitin Prasada-a...

#ZabilianZ Dec 20: Khum 300 awmna Civil Hospital, Aizawl-ah kumin January atanga November thleng khan damlo 13385 admit an ni a, heng zinga mi 204 te chu Casualty atanga admit an ni. Damlo admit zinga 12453 ten damin damdawi in an chhuahsan a, mi 642 te erawh chu vanduaithlak takin an thi a, thi zingah hian nausen 85 an tel. Kumin January atanga November thlengin Civil Hospital, Aizawl-a OPD-ah damlo inentir mi 422463 an awm a, Casualty-a inentir mi 45751 an awm bawk.#zabilianz January atanga November 2024 chhung vek hian Civil Hospital, Aizawl-ah hian damlo 16946 an zai a, heng zinga 6741 te chu zaipui niin, 10205 te chu zai tenau an ni. Hemi hun chhung vek hian Civil Hospital, Aizawl-ah nau piang 3126 (mipa 1595; hmeichhia 1531) an awm a, heng zinga hmeichhe pakhat erawh chu vanduaithlak takin thi-in a piang thung.#zabilianz January atanga November 2024 chhung vek hian Civil Hospital, Aizawl-ah ultrasound hmanga enfiah mi 7340 an awm a, ECG hmanga enfiah 10762 awmin, X-ray hmanga enf...

#ZabilianZ Dec 20: Congress thalaiin ration buhfai sem tûr Zuangtuia sorkar kudam-ah a awm lo nia thuthar a awm avangin vawiin khan Zuangtuia sawrkar kudam chu an tlawh tih sawiin, mipuite hlauthawnglo turin an chah. Congress thalai chuan retailer hrang hrangah December thla ration buhfai a ṭhena sema, a ṭhena sem loh a la nih chhan hre chiang tur leh kudam-ah retailer-te lak tur buhfai a awm loh thu an dawn avanga finfiah tura sawrkar kudam chu tlawh an nih thu an sawi a. Congress thalai President Pu Laltawnliana'n sawrkar tihmualpho tuma kal an ni lo nia sawiin, "mipuiin kan hnena an manganna an rawn thlen vanga Kudam hi tlawh kan ni" a ti. Congress thalai President chuan retailer tinah Buhfai pek chhuah kim a nih thu a thawk ten an lo hrilh nia sawiin, mipuite thlaphang lo turin a chah a. "Opposition mah ni ila sawrkar hi mipui tâna an thawh that chuan kan lawm a, kan thlawp a ni" tiin, a hunah chuan sawrkar chu an diknaah chuan puih leh thlawp an inhuam reng...

#ZabilianZ Dec 18: Tukin dar 2 vel khan Champhai District Jail atangin hmeichhe pahnih an tlan chhuak a, zawn mek an ni. Champhai District Jail atanga tlanchhuak te hi kum 36 mi Vansuieni (Suinunfeli tia hriat ni bawk), Tahan C, Myanmar nia insawi leh kum 44 mi Lalchhanmawii, Khawmawi, Myanmar nia insawi te niin, Jail bang hungna rangva tichhiain an tlan chhuak nia hriat a ni. Suinunfeli leh Lalchhanmawii te hi ruihhlo Heroin avanga man ve ve niin, an thubuai la chinfel loh ve ve nia thudawn a ni a. Lalchhanmawii hi nikum November ni 30 khan Central Womens Jail atanga tlan chhuak tawh, hun engemawchen zawn a nih hnua Champhai Police ten kumin May ni 11-a Champhai-a an man leh a ni. #zabilianz #zabilianznews #zofatehuapzo  

#ZabilianZ Dec 18: Aizawl South-III bialtu MLA Baryl Vanneihsangi"n vawiin khan Larsap Dr. Hari Babu Kambhampati chu Raj Bhavan-ah hmuin Centrally Sponsored Scheme, Social Security Scheme leh pawimawh dangte mipuiin an chhawr tangkai theih dan tur a sawipui. Aizawl South-III bialtu MLA chuan sawrkar laipui kaltlanga mipuite tana hamthatna duan te hriat chian zel a duh thu leh mipui ten an hlawkpui theih nana tanlak a tum thu Larsap chu a hrilh a ni. Larsap pawhin mipui ten an tana hamthatna awm te an hriat chian lehzuala an chhawr tangkai ngei theih nana tanlak a tul thu a sawi a. Amah ngei pawh MLA leh MP a lo nih tawh thin thu leh mipuite rawngbawlsak chu dah pawimawh bera neih a tul thu a sawi bawk.#zabilianz Social Security Scheme pawimawh tak tak zinga mipuite awlsam taka an inziahluha an chhawr tangkai theih tur, kumtin cheng 436 thawha engvang pawha thihna a thlena life insurance cheng nuai hnih thleng dawn theihna Pradhan Mantri Jeevan Jyoti Bima Yojana (PMJJBY) leh cheng ...

#ZabilianZ Dec 18: Saitual District Veterinary Hospital chu nimin khan AH&Vety Minister Pu C. Lalsawivunga'n a hawng a. Sawrkar hmasain bul a lo ṭan tawh Saitual District Veterinary Hospital bakah Laboratory building leh Veterinary officer quarters te hawn a ni ta chu lawmawm a tih thu a sawi. AH&Vety Minister chuan "Mizote chu ran vulh mi kan ni" tiin, AH&Vety department chu Mizote tan department pawimawh leh tangkai tak a nih thu a sawi a. Mizoram chu ran chaw, artui leh sa thianghlim lamah a intodelh lo hle tih sawiin, District Veterinary Hospital chu hemi kawnga hmasawnna thlen thei tur atana pawimawh tak a nih tur thu a sawi. African Swine Fever avangin ran vulhtu ten harsatna nasa tak an tawk tih pawh AH&Vety Minister chuan a sawi a, "chutih rualin beidawng lovin theihtawp an chhuah chhunzawm zel a ni", a ti bawk.#zabilianz #zabilianznews #zofatehuapzo

#ZabilianZ Dec 18: LPS Vision Prodcution-in zanin dar 8-ah tanin LPS Studio atangin TV Leh Youtube kaltlanga chhim theih turin Krismas Pual, Samari mitha Charity Concert a buatsaih dawn a, Youth Icon 2024 top 10 te an inlan dawn. Charity Concert hi LPS presenter hriathlawh chho mek Hruaitei'n a host anga, Icon top 10 te an zai dawn a. Programme neih chhung hian tanpuingaite tana luangchhuak duh tan luanchhuah theihna remchang siam a ni dawn a, Icon star te hi phone hmanga biak theih an ni anga, sum hi QR code hmanga pek tura ruahman a ni. Icon star te zai hi live music hmanga rem tur niin, an zai hi anmahni inrem tura ruahman a ni bawk.#zabilianz.#zabilianznews #zabilianzrimawi #zofatehuapzo 

#ZabilianZ Dec 16: Rural Development Department-in ni za inhlawhna chungchangah thuchhuah siamin, ni za inhlawhna mipuiin an la dawn loh chhan an sawifiah RD Deptt. chuan MGNREGS hnuaia inhlawhna thla hnih chhung mipuiin an dawng tawh lo nia sawiin, mipui inhlawhna chu Mizoram sawrkar kaltlang lova direct-a mipui account-a lut thin a nih thu a sawi a. Central sawrkar-in tun thla ni 5 khan mipuite hlawh tur sum release order chhuah tawh mahse, a pawisa pe chhuaktu ber Pay and Accounts office lamin technical issue an neih avangin vawiin thlengin mipuite inhlawhna chu mipui account-ah a la lut thei lo niin an sawi. Mizorama thawktute chuan mipui ten an thawh zawh atanga ni 8 chhungin an hlawh tur siamfelin tihfel ngai te an tifel nghal zel niin RD Deptt. chuan an sawi a. "Tuntuma harsatna hi chu central ministry lama pawisa pechhuaktute lamah khawl lama harsatna an neih vang a ni a, inbiakpawh reng a ni a, reilote-ah siam zawh an inbeisei a ni" an ti. Krismas hmaa mipuite accoun...

#ZabilianZ Dec 16: MNF President Pu Zoramthanga'n sorkar tharah sum leng vak a vang niin a sawi a. Mizoram sorkarin ni 100 inhlawhna a bat sak reng nia sawiin, pe thuai tura a phut thu leh MNF hunlai chuan central atangin sum sanction awm lo mahse, advance-in an pe zel niin a sawi. Kumin atana MNF pisa Mizo Hnam Run kharna inkhawm leh MNF-in ni pawimawh an neih zing ami 'Exodus Day' vawiina an hmanna ah he thu hi MNF President chuan a sawi a. Mipuiin christmas leh kum thar hlim taka an hman theih nan sorkar hnathawk hlawh leh thil dang dang pe thuai tura sorkar a phut thu a sawi. MNF President chuan Exodus Day lo chhuah dan sawiin, December ni 16, 1971-ah East Pakistan (tuna Bangladesh ni ta) khawpui Dhaka India-in a lak tuma MNF headquarters Rangamati, Tuipui zau tak hual vel kara awm, Meilawng 7 hmanga mak tak maia Pathianin a hruai chhuahna Ni a nih thu a sawi a. December ni 16 chu India sipaite tan hnehna ni ropui, an hmelma Pakistan tlawmna ni 'Vijay Diwas' a n...

#ZabilianZ Dec 16: ZPM party-in Chakma Autonomous District Council (CADC)-ah sawrkarna an siam theih thu vawiin khan ziakin Larsap Hari Babu Kambhampati hnenah an thlen. CADC-ah hian MDC 20 awmin, Inrinni kalta khan MNF MDC 5 ten MDC 5 nei sa ZPM party an zawm a, ZPM hian CADC-ah MDC 10 neiin, MDC nei tam ber an nih tak avangin vawiin khan CADC-a sawrkarna an siam theih thu hi Larsap hnenah ziakin an thlen ta a ni. Tun thla ni 11-a CADC session-ah CADC-a MNF sawrkar RM Chakma kaihhruai rintawklohna motion putluh niin, CADC-a MNF sawrkar chu paihthlak a ni a. Hemi hnu tun thla ni 14 khan MNF MDC 5 te chuan ZPM an zawm ta a. Seat 20 awmna CADC-ah hian ZPM-in seat 10 chang mekin, BJP-in seat 9 leh MNF-in seat 1 an chang mek ta a ni.#zabilianz #zabilianznews #zofatehuapzo   

#ZabilianZ Dec 13: MNF Senior Vice President Dr. R. Lalthangliana'n MNF an sawrkar leh hunah buhfai leh oil man an ennawn tur thu leh health care changtlung zawk an kalpui tur thu a sawi. MNF party chhung inkhawm vawiina neihah he thu hi MNF Senior Vice President chuan a sawi a. Chhiah tipung ve lo tura insawi leh mipui phurrit siam ve lo tura insawi sorkar tharin ration buhfai man a leta tipungin, oil man uchuak takin a tipung nia sawiin, MNF an sorkar leh hunah buhfai man leh oil man chu mipui phurrit chhawk zangkhai thei tura an ennawn tur thu a sawi a ni. Health Minister hlui ni bawk MNF Sr. Vice President chuan MNF khan an sorkar atanga kum khat pawh tlinglo ah health care changtlung tak kalpui turin hma an la nghal nia sawiin, Vanapa Hall-ah an hawng tih a sawi a. "Covid hri leng karah pawh Universal Health care kalpui turin Health Minister ka nih ang khan central finance ministry-ah nasa takin ka nawr a, screening committee kaltlangin ADB atangin cheng vbc 1000 min appr...

#ZabilianZ Dec 13: MPCC President Lal Thanzara"n sorkar-in upa zawk leh hriselna pan zawk ten hlim taka Krismas leh kumthar an hman theih na tura halpuah leh halmawi hal a khap chu Lal Thanhawla hunlai atanga bultan niin a sawi. Kumin atana Congress Bhavan kharna inkhawm vawinna neihah he thu hi MPCC President chuan a sawi a.  Aizawl mipuite chu halpuah leh halmawi khapna thupek zawm theuh turin a sawm nghal. Lal Thanzara chuan “Congress party hi Pathianin ram hruai tura a kaihthawh loh chuan kan ram hi a rum thin" a ti a. "Harsa taka kan lo sual chhuah, kan ram rohlu neih te hralh tum thu kan hria hi a lungchhiatthlak hle" a ti bawk.#zabilianz MPCC President chuan "Lengpui airport kan neih chhun pawh hi kum tharah hian sorkarin Indian Airforce kutah hlan an tum niin kan lo hria" tiin, "Mizoram mipuite tana a that dawn loh avangin keini Congress party chuan kan do tlat a, he an thil tum hi ti lo hram turin kan ngen a ni" a ti. Indian Airforce  an...

#ZabilianZ Dec 13: MIFCO kaltlanga sorkarin kum 2023-a Lakhuihthei leina man Sialhawk-a chhungkaw 52 te a batsak chu vawiin khan sorkar hmalaknaa pektlak a nih thu ZPM party thuchhuahin a tarlang a, "kuthnathawktute hnenah hlan a ni" an ti. MIFCO Chairman Pu Lalthazuala Rawite chuan sorkar hmasa hunah Sialhawk Lakhuithei chu theihtawpa buaipui a ni chungin, a hralhna hriat mai loh ho chu MIFCO-ah dah a nih thu a sawi a. Hei hi MIFCO-in pawisa a neih leh neih loh pawh ngaihtuah lova thuneitute atanga thupek ang kalpui niin a sawi. "Khatihlai khan Lakhuithei leina man tur MIFCO-in a lo nei si lova, kuthnathawktute tha hah man sorkarin a lo ba rei hle a, a pawi hle" a ti bawk. MIFCO lama ka thawhpui ten thil awmzia an hrilh hnu ah Chief Minister hnenah an harsatna te chu a thlen ta niin MIFCO Chairman chuan a sawi a. "Chief Minister chuan kuthnathawktute thei man bat sak chu tha a ti lova, a rang thei ang berin pawisa min ngaihtuahsaka, kuthnathawktute hmangaihtu ...