-Pathianin kohhran leh politics hi a rawngbawl nan, ram siamthat nana min pek a ni :MPCC President

#ZabilianZ Jan 20: MPCC President Lal Thanzara'n Pathianin kohhran leh politics chu a rawngbawl nan, ram siamthat nana a pek niin a sawi a. Village Council ṭha, Local Council ṭha neih loh chuan ram ṭha a neih theih tak tak loh niin a sawi.

He thu hi vawiina Congress party Local Council member te nena Lal Thanhawla Auditorium, Congress Bhavan-a an inkawmhona ah MPCC President chuan a sawi a. Ram siamṭha turin politics leh kohhran kan tanrual a ngai nia sawiin, village level-ah local level-ah chhungkaw ṭha din phawt a ngai niin a sawi.#zabilianz

Lal Thanzara chuan "Kan ram hi chhan tlak a la awm" tiin, "Mahse, ZPM sawrkar hian an term an hman zawh chuan kan chhe viau ang" a ti a. "Sum an pûk pawp pawp dan te pawh kan hre vek a, engvanginnge an pûk an pûk a ngaih? Central-a a chahbi kawltute khu he sawrkar chungah hian an lawm viau lo a nih ka ring, chuti ni lo se chuan pawisa an pûk an pûk ngai lo hian an rawn enkawl theih ka ring" a ti.#zabilianz

ZPM tana lâi em em chu BJP zawmpui pangngai anga an inlan rual rualin, Mizo kohhran mi ten an thinhrik ang tih an hlau bawk si niin MPCC President chuan a sawi a. "He sawrkar hi a thutiamah a ding dawn em, ding thei dinhmunah pawh a ding dawn em, tih hi ngaihtuah tham tak a ni tih hi kan hriat thar a, a la hre lo te pawh kan hrilh var a ngai a ni" a ti bawk.#zabilianz #zabilianznews #zofatehuapzo