MNF MLA pathumin Dampa bial an tlawh

#ZabilianZ Aug 21 : MNF MLA pathum - R Rohmingliana, Rasik Mohan Chakma leh Prova Chakma ten Dampa bial tlawhin, Dampa South block huam chhung khaw hrang hrang hrang an tlawh.

MNF MLA pathum te chuan Dampa bialin bialtu MLA nei rih lo mahse, an theih ang angin Dampa bial mipuite chu buaipuia, ṭanpui zel an tum thu an sawi a. A bialtu MLA chatuan ram pan ta Lalrintluanga Sailo anga bialtu MLA ṭha an neih leh ngei an beisei thu an sawi.

Dampa South block huam chhung mipuite chuan MNF MLA pathum te hnenah hian MNF sawrkar laiin hmunphiah Kg 1 Rs 100 aia sangin an hralh zung zung niin an lo hrilh a. Tun sawrkar-ah erawh hralh zawhna tur an hmuh loh thu leh man tlawm te tea an hralh thu an lo sawi niin MNF thuchhuahin chuan a tarlang.#zabilianznews

MNF MLA pathum te hian Thorang biala Marpara South khua pawh tlawhin, a bialtu MLA R Rohmingliana chuan ration buhfai nasa taka tihto a nih avangin khulna tur nei mumallo an awm niin a sawi a. MNF sawrkar laiin hmuhphiah Rs 130 tea an hralh laiin tun sawrkarah chuan hralhna an hmu mumallo niin a sawi.

Prova Chakma pawhin Thorang bial leh West Tuipui bial aṭangin MNF MLA an vawikhat awmna a nih thu sawiin, ZPM sawrkar chuan nasa takin pawisa an puk reng a, chhiah nasa takin an tipung mek zel niin a sawi ve bawk.#zabilianz #zabilianznews #zofatehuapzo