#ZabilianZ Aug 21: Mizo Zirlai Pawl (MZP) chu Assembly hmang tur leh hruaitu thar thlang turin an inbuatsaih mek a. MZP hruaitu thlan atana nomination thehluh theih hun chu nimin (August 20, 2025) tlai dar 3 khan khar a ni a. MZP inthlan lo awm turah hian line-up pahnih awmin, post tinah mi 2 theuh, an vaiin mi 12-in nomination an thehlut a ni.
September ni 3, 2025-a MZP hruaitu thlanna turah hian - Dr. C. Lalremruata (Vice President nilai) leh Jacob Lalmuanpuia (GS 2021-2023/ECM nilai) ten President post an inchuh dawn a. Vice President chuh tur - Sanghmingthanga (Treasurer 2021-2023/ECM nilai) leh Zairemthanga (Treasurer nilai); General Secretary chuh tur - C. Lalhmingsanga (Asst. GS nilai) leh Chinkhanmang Thomte (GS nilai); Asst. General Secretary chuh tur - Lalentlinga (ECM nilai) leh PC Lalngaihawmi (Secy. i/c school edn. nilai); Treasurer chuh tur - Hmangaihhlima (MZP chanchinbu editor) leh Rothanliana (Fin. Secy nilai) te niin, Nangsawmthanga (Secy. i/c organisation nilai) leh C. Lalrosanga (Secy. i/c information nilai) ten Finance Secretary post an inchuh bawk ang.#zabilianznews
MZP hruaitu term (2023-2025) a lo tawp dawn tak avangin hemi hun chhunga MZP sum lut leh chhuak te pawh endika chinfel a ni tawh a. Audit report-a a lan danin, 2023-2025 chhunga MZP-in sum a hmuh zawng zawng - Rs. 15, 879, 819 niin, an hman ral zawng zawng Rs. 15, 815, 822 a ni a, an sum hman bang Rs. 63,997 a ni.
Kumin July ni 25-a MZP General headquarters executive committee thukhawmin September ni 3, 2025-ah Vanapa Hall, Aizawl-ah MZP Assembly chu neih turin a rel a. Organising committee pawh din nghalin, hruaitu thar thlan kum a nih avangin election commission a din nghal bawk.
Tuna MZP hruaitu (OB) nilai te hi September ni 21, 2023-a MZP Assembly vawi 67-na, Vanapa Hall, Aizawl-a neiah thlan niin, October ni 3, 2023 ah mawhphurhna an la tan a ni.#zabilianz #zabilianznews #zofatehuapzo
0 Comments