#ZabilianZ June 25, 2026: MPCC Sr. Vice President Lalnnunmawia Chuaungo-in BJP-in India rama kum 12 chhung rorelna an chan tawh chhungin mipui tana pawi tak thil thleng engemawzat a awm tawh niin a sawi.
Aizawl press club-ah thuthar thehdarhtute kawmin MPCC Sr. Vice President chuan vawiin khan he thu hi a sawi a. BJP rorelna hnuaia thil pawi thleng zingah zirlaite leh thalai hna zawng mek te tibeidawngtu exam hrang hrang zawhna putru pawh a tel thu a sawi.#zabilianznews
Zirlai nuai 22 chuang kumin May ni 3-a national eligibility cum entrance test (NEET) exam te chu zawhna putru avangin June ni 21, 2026 ah exam thattir leh an nih thu a sawi a. NEET paper putru avang hian zirlai 12 an intihhlum phah niin a sawi.
NEET paper chu exam hmain whatsapp-ah Rs. sang 5 atanga Rs. sing 3 tein lei tur a awm nia sawiin, "Rajasthan-ah phei chuan Rs. nuai 30 thlenga hralh a ni" a ti a. "BJP rorel kum 12 chhung hian ram pum huap exam-ah vawi 23 zet zawhna putru a awm tawh" a ti bawk.#zabilianznews
National Testing Agency (NTA) chu exam pawimawh engemawzat buaipui tura BJP sorkarin May ni 15, 2018 a din a nih thu a sawi a. BJP sorkar-in National Education Policy, 2020 a kalpui dan pawh tih tak takna a awm lo nia sawiin, "Congress kaihhruai UPA sorkar-in Education-ah budget pumpui atanga za-a 4.7 a dah laiin, BJP sorkar chuan zaa 2.4 chauh a dah" tiin, a beitham mah mah niin a sawi.
BJP chu India ram zirna siamthat tum tak tak lovah puhin, kum 2014 Lok Sabha inthlan campaign laiin Narendra Modi-a'n thalaite tan kumtin hna thar vaibelchhe 2 zel siam a tiam pawh a hlawhtlin loh thu a sawi a. "Congress party chuan BJP sorkar hnuaia zirna kalphung nunrawng tak hi tihbo kan tum" tiin, India ram thalaite tan zirna kawnga mawhphurhna la ngam sorkar din an tum niin a sawi bawk.#zabilianz #zabilianznews #zofatehuapzo
0 Comments