#ZabilianZ June 26, 2026: Aizawl Traffic Police-in nizan dar 9 hnu lam atanga tukin khawvar dawn thlengin Aizawl khawpui hmun hrang hrangah special drive kalpuiin, lirthei leh a kaihhnawih dan bawhchhia mi 58 an man.
Nizan atanga tukin lam thlenga Aizawl Traffic Police-in lirthei leh a kaihhnawih dan bawhchhia an zingah dan phal loh zawng (wrongside)-a tlan tam berin, 18 an man a. Helmet khum lova lirthei khalh 15; License nei lova lirthei khalh 5; rui chunga lirthei khalh leh bike ri ring lutuk 3 ve ve bakah midang tana hlauhawma lirthei khalh/no entry bawhchhia/tripple riding/improper helmet leh thil dang avanga man 14 an awm bawk.
Lirthei khalhtute zingah inthlahdah avang leh midang tana harsatna thlen hreh miah lo; dan bawhchhia man tur an la awm chu pawi an tih thu Aizawl Traffic Police chuan an sawi a. Lirthei neitu leh khalhtute tan la thar zel tura chahin, "Aizawl khawpui a lo hima, thlamuang taka kan kawngpuite mitinin kan hman tlân theih nan special drive hi a tul anga kalpui zel a ni ang" an ti bawk a ni.#zabilianz #zabilianznews #zofatehuapzo
0 Comments