#ZabililanZ June 26, 2026: Kum 2021 - 2025 chhunga Mizorama khuarel chhiatna hrang hrang avanga hloh zat Rs. vbc 656.76 hu nia chhut a ni a, heng chhiatna te hian economic lama channa Rs. vbc 634.35 hu a thlen nia chhut niin, a siamthat leh na atan Rs. vbc 879.82 tul tura chhut a ni.
State Disaster Management Authority (SDMA) thutkhawma Post Disaster Needs Assesment (PDNA) report 2021-2025 pharhah kum 2021 - 2025 chhunga Mizorama khuarel chhiatna hrang hrang avanga hloh zat te hi tarlan a ni a. Hemi hun chhunga chhiatna thlentu lian zual chu - Cyclone Remal, African Swine Fever, ruah sur nasa leh leimin nasa leh sazu puang te nia tarlan a ni bawk.#zabilianznews
SDMA thutkhawmah hian Mizoram state disaster management plan 2026 leh district 11 te disaster management plan te sawifiah niin, hmalakna tur hrang hrang te an sawihova. Kum 2024-2025 chhunga district hrang hranga recovery & reconstruction fund atanga hnathawh tur thlan chhuah 178, a vaia Rs. vbc 11.44 senna tur chungchang te, Search & Rescue hmanraw lei belhna tur leh ASF State Specific Disaster-a puan zui zel chungchangte pawh an sawiho a ni.
Chief Minister Pu Lalduhoma hova SDMA thutkhawm hi National Disaster Management Authority member Pi Rita Massal pawhin telpuiin, NDMA report a pe a, a hnenah hian disaster lama Mizoram mamawh hrang hrang te SDMA hian a lo thlen nghal bawk.#zabilianz #zabilianznews #zofatehuapzo
0 Comments