#ZabilianZ June 27, 2026: Mizoram sorkarin July ni 1, 2026 atanga hman tan tura a tih Mizotaxi App. chu MNF party-in mipuia chhiah lakna tura ruahman nia ngaiin, sut leh turin sorkar an ngen.
MNF chuan Mizotaxi App thar hman turah hian mipuiin taxi/auto-rickshaw an hman a piangin chhiah (tax) zaa 6 atanga zaa 10 zel an chawi a ngai tawh dawn tih sawiin, eng dan hmanga lak nge a nih pawh hriat a ni lo niin an sawi a. Mizotaxi App chu lirthei nei ve lo, a hmangtu mipui ten an hman apianga sorkara chhiah an pekna tura ruahmanna niin an sawi.
Hei hi chhiah ni lovin platform fee a ni, tia sawi pawh lo awm se passenger leh driver ten a hmaa pawisa an sen a ngaihlohnaah an sen a ngai zel tawh dawn niin MNF chuan an sawi a. Hna tul buai tam tak insiambelhna a ni bawk niin an sawi.#zabilianznews
MNF chuan "he App buaipuitu company hi sorkarin ruai lo se sum sen belhna tur a awm lovang" tiin, Mizorama taxi khalhtu engemawzat leh passenger engemawzat gpay khawih lo leh smart phone la nei lo tam tak an awm a, kan ram dinhmun ni mekah chuan zawhloh nghawngkawl inbahtirna a la ni rihah kan ngai" an ti bawk.
Sorkarin he App hi taxi leh auto-rickshaw te hman luih tir a tum nia sawiin, Mizoram Taxi Association (MTA), Aizawl Two Wheeler Taxi Association (ATTA) leh Aizawl District Auto Rickshaw Owners Association (ADAROA) te pawhin him tawk lova ngaiin, "chhiah khawntu (collector) atana hman nih an duh lo" an ti a. MTA, ATTA leh ADAROA te hmalakna a tawp thlenga an thlawp tur thu MNF chuan an sawi bawk a ni.#zabilianz #zabilianznews #zofatehuapzo
0 Comments