#ZabilianZ June 27, 2026: Health Minister Lalrinpuii'n Kolkata-a MUHCS empanelled hospital, Mizo damlo refer tamna - Natralaya RN Tagore Hospital leh Manipal Hospital, EM bypass road ami te a tlawh.
RN Tagore Hospital chu lung leh kal thlak lama tawnhriat nei tha an nih thu sawiin, Health Minister chuan "Civil Hospital, Aizawla kal thlak kan kalpuina tura min puitu hospital an ni" a ti a. Hemi atan hian Civil Hospital, Aizawla doctor leh staff ten training thawhkhatna an zo tawh tih sawiin, a thawhhnihna neih leh tum mek a nih thu a sawi.
Health Minister chuan he damdawi in-a awm mek Mizo damlo te pawh kanin, harsatna an neih leh neih loh te a zawt a. Damlo thi an awma death certificate pek chhuah muang deuh thin pawh a rang thei anga pechhuak turin damdawi in hotute chu a ngen bawk.#zabilianznews
Manipal Hospital, EM Bypass road, Kolkata chu cancer lama super speciality hospital niin, an hotu ten khawl thar tha ber ber te nena thuam an nih thu leh cancer enkawl kawngah chuan an rintlak thu Health Minister chuan an lo hrilh a. Health Minister chuan ICU leh radiation wing te tlawhin, damlo te a kan bawk.
Health Minister chuan Mizorama Nursing college hrang hranga campus recruitment neihpui atan damdawi hotute chu a sawm a. Anni pawhin Manipal Hospital hrang hranga thawk turin Mizo nurse tam zawk an mamawh thu an lo sawi ve bawk a ni.#zabilianz #zabilianznews #zofatehuapzo
0 Comments