ZabilianZ

#ZabilianZ March 31: Tukina ruah leh thli thawk khan Mizoram hmun hrang hrangah chhiatna hrang hrang a thlen a. Chenna in, Biak In leh thil dang te tichhe nualin, mihring nunna chan phah erawh an awm hriat a ni rih lo. Hriat theih chinah tukina thli leh ruah lo thawkah khan  Sialsuk Hmunchung Presbyterian Kohhran Biak In chung chu thli in a la a. Lungtan khuaa UPC (Mizoram) Biak In pawh tukina thli tleh khan inkhawm theih loh khawpin a tichhia. April ni 12-14, 2024 chhunga ram pum huap Presbyterian Kohhran Pavalai Pawl inkhawmpui na tur East Lungdar-a Pandal an sak pawh tukina thli tleh khan a tichhia a. Rahsi veng, Champhai-ah in pakhat a chhemthlu a. Champhai DC Complex hlui hmuna Far kung thli-in a chhemthlukin car pakhat ding lai a delh bawk. Baktawng-ah pawh tukina thli tleh khan in pakhat tichhiain, he in tlu hian kawngoui a hnawh a. Khawlailung Dinthar veng-a in pakhat chu a chung a hlip a. Tawizo khua-ah pawh in 4 a chhia nia thudawn a ni. Kawrtethawveng khuaa Govt. Middle Scho

#ZabilianZ March 29: Lok Sabha inthlan lo awm tura Mizorama Expenditure Observer Arvind Sharma-a'n Lok Sabha inthlanah candidate pakhatin sum an hman theih chin Rs. nuai 95 a nih thu leh an hman dan uluk taka vil tur a nih thu a sawi. Expenditure Agent te a kawmnaah he thu hi Arvind Sharma chuan sawiin, candidate te campaign na atana sum dah an hman dan chu dik leh langtlang taka chhinchhiaha vawng turin Expenditure Agent te chu a chah a. A theih ang chin china political party/candidate te campaign dan a intluktlan theihna tura sum hman theih zat chu bithliah a nih thu a sawi. Voter ten an mi duh ngei vote theih loh na tura sum leh therlo hmanga voter duhthlanna tihbuai sak an nih loh na turin sum hman dan vil chu a pawimawh thu Expenditure Observer chuan a sawi a. Election Commission of India (ECI)-in sum vil leh endik danah inkaihhruaina fel tak a siam thu sawiin, thil thup leh dan kalha thil tih awm hmuhchhuah a nih chuan ECI-in na taka hma a lak theih thu a sawi bawk. 

#ZabilianZ March 28: Congress party MP Candidate Lalbiakzama'n "RSS leh an party din BJP te hian Hindu lal ram din hi an tum ber a ni" tiin, Hindu ni lo te hi second class citizen ang chauhin min chhuah mek" a ti. Congress party-in Lok Sabha inthlanpui lo awm tur atana Campaign khuhhawnna hun Vanapa Hall, Aizawla an hmanna ah he thu hi vawiin khan Congress party MP Candidate Lalbiakzama chuan a sawi a. BJP sorkar chu Press mite zalenna rapbet-ah puhin, "Court te hial pawh an thunun vek tawh a ni" a ti. Lalbiakzama chuan "Forest Conservation Act te hi kan tan a hlauhawm lutuk" tiin, "India Parliament hian Article 371 (G) angin kan ram hi min chhuhsak theih loh laiin, BJP sorkar chuan min chhuhsak an tum mek" a ti a. "Electoral Bonds te an hmangsual a, Income Tax department leh Enforcement Directorate te hmangin Company te sum pawh party tan an chhuh a. Press mite zalenna an rapbet a, Court te hial pawh an thunun vek tawh a ni" a

#ZabilianZ March 28: Lok Sabha inthlanpui lo awm tura MNF party Candidate K. Vanlalvena'n BJP-in a hlanga sorkar siam theihna khawp MP an neih leh ngei hmel nia sawiin, Hindu kulmuk hlangin ro an rel loh na turin Kristian MP te chu NDA-ah an tel ve rih tlat a ngai niin a sawi. Tukina Serchhip Bazar-a street campaign-ah he thu hi K. Vanlalvena chuan sawiin, NDA chu Congess leh an thurualpui party te intelkhawmna UPA paihthla tura din a nih thu leh MNF pawh NDA dintu founding member zingah a tel thu a sawi a. NDA chhunga BJP hmalakna avanga Kristianna a chep thu chu amah pawh a taka hretu a nih thu sawiin, "Tribal te dikna leh chanvo humhalh zel turin, NDA ah kan thu lui zel dawn zawk a ni" a ti. K. Vanlalvena chuan India ramah Hindu Nationalism a lian zel nia sawiin, chu chu BJP-in politics khelh nan an hmang niin a sawi a. Hei hi NDA chhunga awm Kristian MP ten na taka an dodal zel a tul thu a sawi. K Vanlalvena chuan Rajya Sabha-ah NDA thutna atangin Mizoram, Mizo hnam l

#ZabilianZ March 28: Mizoram Pradesh Congress Committee (MPCC) President Lal Thanzara'n "Income Tax hovin Mizoram Synod chu Rs. vaibelchhe 25 an thing mek nia an hriat thu sawiin, hei hi tunhmaa awm ngai lo niin a sawi. Lok Sabha inthlanpui lo awm tur atana Congress party-in Campaign khuhhawnna hun Vanapa Hall, Aizawla an hmanna ah he thu hi vawiin khan MPCC President chuan a sawi a. BJP sorkar chu Kristian te tan a himlo hle nia sawiin, Congress party hruaitu hmasa ten hnam tin ten zalen taka an sakhua an biak theihna tura India danpui hnuaia sakhaw zalenna an siam chu BJP sorkarin nuaibo a tum mek niin a sawi. MPCC President chuan "Hnam tlem zawk leh sakhaw tlem zawk betute BJP sorkar hnuaiah hian kan him loh em avangin Mizo mipui ten kan ngaihpawimawh a ngai" a ti a. Manipur ah te chuan Good Friday leh Easter Sunday ah te pawh sorkar hnathawk te office kai turin an ti niin an sawi. Lal Thanzara chuan ZPM leh MNF party chu NDA a tel an inchuh ta emaw tih tura thu t

#ZabilianZ March 26: Mizoram Journalists' Association (MJA)-in vawiin khan DIPR Lianchhiari Run, Aizawl-ah General Conference vawi 50-na an hmang a. Addl. Secretary, I&PR Pi Betsy Zothanpari Sailo-in hmanpuiin, MJA member te chu mipui sukthlek hriltu an nih theih avangin kawng hrang hranga inchher hriam leh zual turin a chah. Addl. Secretary, I&PR Pi Betsy Zothanpari Sailo chuan Mizoram district hrang hranga MJA member te chu thulai la taka investigative journalism lamah pawh tan la leh zual tura chahin, ram leh hnam mawina tura zau zawka chanchin lawmawm lam te theh darh uar zual turin a chah bawk. MJA General Conference-ah hian palai ten ro an rel bakah kum 2023 leh 2024 inkara MJA member boral ta te sunna  hun an hmang a, hruaitu thar an thlang bawk. Kum 2024-2026 chhunga MJA hruaitu atana thlan te : President : C Lalrambuatsaiha, The Aizawl Post Vice President : C. Lalhmachhuana, Youth Herald (Uncontest) Treasurer : Lalrinmawia Sailo, Thlirtu Executive Members : 1. Laln

#ZabilianZ March 24: Lok Sabha inthlanpui lo awm turah BJP--in Mizorama an candidate tur an tichiang ve leh ta a. Mizoram BJP President Vanlalhmuaka chu Lok Sabha inthlan lo awm turah Mizoramah BJP candidate a ni dawn. Thudawnnain a sawi danin, Mizorama BJP MP candidate tur hi vawiin khan Central BJP hruaitu ten an tifel a, naktukah Mizoramah an candidate chu official-in an puang ang.

#ZabilianZ March 23: Vawiin hi n ‘Service to the people’ tih thupuia neih Mizoram Journalists' Association (MJA)-in kum 52 a tlin champha a ni a. Lawngtlai District MJA chuan an President Elvis Lalthangzuala hova infuih tharna hun an hman bakah thawkho tura thu an thlunpui Lawngtlai-a Lairam Christian Medical Centre tlawhin, poor fund atan Rs. 5,000 an hlan a. He damdawiin in khawl thar an neihte an hmuhpui bawk. Lawngtlai District MJA President chuan Journalist te chu englaipawha bengchhit reng leh intuaithar reng ngai an nih thu leh chawlh an neih ve loh thu sawiin, "inthlahdah a thiang lo" a ti a. Lawngtlai chanchinbumi ten sorkar leh mipui thawhpuina tha tak an dawng thin nia sawiin, lawmawm a tih thu a sawi. Lairam Christian Medical Centre Manager V. Lailiankima'n Lawngtlai District MJA member te chu lo dawngsawngin, MJA-in poor fund-a sum an chhunluh avangin lawmthu a lo hrilh a. Damdawiin in NEC kaltlanga tunhnaia khawl thar chi hrang hrang 16, a vaiin Rs. nuai

#ZabilianZ March 23: Nimin (March ni 22) kha World Water Day a ni a, Aizawl-ah chuan PHED Secretary Er. Lalhmingliani Hmar hovin Vanapa Hall-ah he ni hi hman niin, district hrang hrangah hman a ni bawk. He hun hmanpuitu PHED Secretary Er. Lalhmingliani Hmar chuan tui pawimawhna sawiin, mihring leh nunna nei dang reng reng tui tel lova an nun theih loh thu a sawi a. Khawvel hmun thuma thena hmun hnih zet tui a nih thu leh khawvela tui awm tak zawk erawh chu tui bawhhlawh a nih thu sawiin, "khawvela tui awm za-a 2.5 chauh tui thianghlim a ni" a ti. Tuihna a kang chakin, a kum telin ruahtui a mumal lova, hei hian thlai thar chhuah zat pawh a ti tlem tial tial tih PHED Secretary chuan a sawi a. Tuihna awmsa humhalha tipung tura tanlak nasat a tul tawh takzet thu sawiin tuihna tipung zawnga mahni theihna zawn theuha tan la turin mitin te a sawi a ni. World Water Day thupui 'inrem nan tui' sawitu CE, PHED Er. Lalrothanga'n "tui litre maktaduai 40 kan mamawh laiin n

#ZabilianZ March 21: Aizawl Municipal Corporation (AMC) Ward No. VI bialtu Corporator Pu John Zosangliana Ralte, Chanmari West, Aizawl chu zanin dar 9 vel khan New Delhi-ah a boral. Kum 49 mi Pu John Zosangliana Ralte hi an fa te zirna thilah an chhungkuaa zin niin thudawnna chuan a sawi a. Insawisel lawkna a neih an hre hran lova, a khua te sikin, a nuamsam lova, a thaw te hahin, zanin dar 9 vel khan a kal ta mai niin thudawnna chuan a sawi. YMA Chanmari West branch hruaitute chuan Pu John Zosangliana Ralte chu an branch YMA Adviser a nih thu leh mihring ngaiha hun lo taka a kalsan thut chu pawi an tih thu leh an ui thu an sawi a. Ruang lo thlen theih hun tur sawi theih a la nih rih loh avangin a vui dan turah pawh thu mum an la neih theih rih loh thu an sawi bawk.

#ZabilianZ March 20: Mizo Cultural Organisation (MCO), Gen. Hqrs hruaitu ten vawiin khan MCO Patron, Tourism Minister Pi Lalrinpuii chu a pisa-ah hmuin, MCO leh Tourism Deptt. thawhho theih dan tur te an sawipui. MCO hruaitute chuan an hmalak tawhna te leh hmachhawp te Tourism Minister chu an hrilh a. Tourism Minister chuan Culture leh Tourism chu kalkawp tlat tur a nih thu leh Culture chuan Mizoram Tourism hmasawn zelna turah pawimawhna thuk tak a neih thu a sawi a. Mizoram economy nghawng khawp leh thalai ten eizawnna tam zawk an neihna tura Tourism tihhmasawn dan tur te a sawi bawk. MCO hruaitute leh Tourism Minister inkawm chuan Tourism Deptt. leh MCO te mumal taka an thawhhho zel theihna tura uluk zawka ruahmannate siam tura la inkawmho leh an rawt a ni.

#ZabilianZ March 19: YMA, Silchar branch hruaitu ten Silchar Mizo ten Convention Centre an mamawh thu leh Mizoram sorkarin Silchar-ah Convention Centre an neih theih na turin hma laksak se an duh thu an sawi. I&PR Deptt. ruahmannaa Mizoram atanga press tour-a kal thuthar thehdarhtute hnenah he thu hi Silchar YMA hruaitute chuan an sawi a. Mizoram sorkarin Silchar-ah ram tha tak tak, hman tangkai si loh a neih thu sawiin, Mizo te tana hman tangkai theih tura hmalak ni se an duh thu an sawi a a ni. Silchar YMA hruaitute chuan ramri buai leh thil dang avanga buaina-ah te, tuilian avanga buainaah te Silchar Mizo ten hma han lak tak tak na tur hmun dang tha an neih loh avangin kum tak tak chhung chu Silchar Mission Compound chu an vauchher ber a nih tawh thu an sawi a. Silchar Mission Compound chu Mizoram Synod enkawl ni mahse, a neitu chu Presbyterian Church of India (PCI) Assembly a nih avangin an ni lam mitmei ven a nat chang pawh a awm thin thu an sawi. Hemi chungchanga an duhnate c

#ZabilianZ March 5: Vestige Company, Meriam L. Hrangchal team te chuan vawiin khan Aijal Club-ah an kum 10 tlin an lawm a. Rev Dr H. Vanlalruata'n tawngtaiin Pathian hnenah lawmthu a sawi. Vestige MLH team Mizoram hian an kum 10 tlin lawmna pual hian midang tanpuina turin Zo Inspiration hnenah Rs. 1,00,000 an hlan a. Vestige chhungkua damlo, natna khirhkhan tuar mi engemawzat an kan bawk. Vestige Company hian khawvel puma Top 100 Direct Selling Companies thlan chhuah zingah 38-na dinhmun a luah mek a. India Direct Selling Company-ah khawvelah Top 100-a lang pha awmchhun an ni. Mizoramah pawh district tinah inzarpharin, Vestige Centres hi District khawpui hrang hrangah an hawng tawh a ni. North East-ah Meriami L. Hrangchal kaihhruaina hnuaih member 1,80,000 chuang an awm mek a. Vestige Company hian 'Wealth through wellness' tih thupuia hmangin hriselna an dah pawimawh ber tih an sawi a. Mihring tana hriselna product hrang hrang Food supplements atanga nitin ina chhung mamawh

#ZabilianZ March 5: September 2016-a leiminin an in a hnawl avanga a chhungte zawng zawng chantu, kum 11 mi, Laldingpuia, Tlungvel Gate Veng puala PUMP (People United in Music with a Purpose)-in December 19 leh 31, 2016-a Millennium centre tual-a charity show an buatsaiha mipui sum thawh tlingkhawm Rs. 2,22,000, Laldingpuia'n kum a tlin huna a kuta hlan tura bank-a dah chu, vawiin khan PUMP hruaitu ten a pung nen Rs. 3,48,633 chu Laldingpuia kut-ah an hlan. Laldingpuia puala mithahnemngai te sum thawhkhawm Rs. 2,22,000 chu Tlungvel VC leh YMA te hriatpuiin, January 13, 2017 khan January ni 13, 2024 thleng (kum 7) atan Bank-ah dah a ni a. Bank-a dah hun chhung a lo kim tak avang leh Laldingpuia pawhin kum a lo tlin ve tak avangin a tira PUMP hruaitu ten an ruahman lawk angin vawiin khan sum te chu a dawngtu tur Laldingpuia kutah PUMP leh sum thawhtu mipui aiawhin PUMP Chairman Pu David Z. Hmar chuan a hlan ta a ni.

#ZabilianZ March 04: MNF party inthlan chuh tum te tana hming pekluh theihna hun a tawp hnu thlenga party official candidate te tih loh midang hming pelut an awm loh avang leh party official candidate zingah inhnuhdawh theihna hun tawp March ni 2, 2024 thlenga inhnukdawk an awm loh avangin party official candidate te chu tlinga puan an ni. MNF party inthlan atan hian nomination committee chuan official candidate siamin - President atan President nilai Zoramthanga; Sr. Vice President atan Vice President hlui Dr. R. Lalthangliana; Vice President atan Vice President nilai Vanlalzawma leh MLA nilai Lalchhandama Ralte; Treasurer atan Minister hlui Lalruatkima te an ni a. Inthlan chuh tum te tana hming pekluh theih hun February ni 26-28, 2024 chhungin official candidate te ni lo, midang hming pelut an awm lova. Official candidate hming pelut zingah inhnuhdawh theihna hun hawn chhung March ni 2, 2024 thlenga inhnukdawk an awm loh bawk avangin vawiin khan MNF inthlan atana Returning Officer Dr

#ZabilianZ March 03: Kum 2024-2026 Central Kristian Thalai Pawl hruaitu tur te : Leader : Rev. Rosiamliana Tochhawng (Synod ruat) Asst. Leader : Lalruatfela, Chaltlang Bial Gen. Secretary : Upa Lalmuanpuia (Synod ruat) Asst. Secretary : C Lalkhawngaiha, Mission Vengthlang Bial Treasurer : Rinsailova Sailo, Electric Veng Bial, Aizawl Fin. Secretary : F. Lalremruata, Dawrpui Bial Committee Members : 1. T. Upa TC Lalremsiama, Zuangtui 2. Rossie Lallawmawma, Mission Veng Bial 3. F. Lallianzuali, Zonuam Bial 4. T. Upa Lalthlanthanga, Armed Veng Bial 5. Lalrambuatsaiha,, Bethlehem Bial 6. K Vanlalremruata, Bawngkawn Bial 7. H. Zosangliana, Dawrpui Vengthar Bial 8. TC Lalhruaitluanga, Chhinga Veng Bial 9. David Lalfakawma, Luangmual Bial 10. Lalrinsanga Varte, Durtlang Bial 11. Upa C. Malsawmtluanga, Zemabawk Bial 12. David Lalruatfela, Republic Bial 13. Nicholas Lalbiakzuala, Tuikual Bial 14. Lalruatpuia, Kulikawn Bial 15. Lalduhawma Chhangte, Khatla Bial 16. Rochhingpua, Chanmari Bial 17. L

#ZabilianZ March 03: KȚP General Conference vawi 60-na Ngopa a neih mekah palai in report mi 25538 an tling tawh. Ngopa ațanga thudawn danin, palai in report lo engemawzat an awm bawk a, palai in report leh la in report lo an vaiin mi 27000 an chuang tawha rin a ni. Hriat theih chinah Pi Dengziki te chhung chu mikhual thleng tam ber nia hriat niin, mikhual 260 an thleng mek. KȚP General Conference hi zaninah an țiak ang.