MJA-in kum 52 a tling - Lawngtlai district MJA luangchhuak


#ZabilianZ March 23: Vawiin hi n ‘Service to the people’ tih thupuia neih Mizoram Journalists' Association (MJA)-in kum 52 a tlin champha a ni a. Lawngtlai District MJA chuan an President Elvis Lalthangzuala hova infuih tharna hun an hman bakah thawkho tura thu an thlunpui Lawngtlai-a Lairam Christian Medical Centre tlawhin, poor fund atan Rs. 5,000 an hlan a. He damdawiin in khawl thar an neihte an hmuhpui bawk.

Lawngtlai District MJA President chuan Journalist te chu englaipawha bengchhit reng leh intuaithar reng ngai an nih thu leh chawlh an neih ve loh thu sawiin, "inthlahdah a thiang lo" a ti a. Lawngtlai chanchinbumi ten sorkar leh mipui thawhpuina tha tak an dawng thin nia sawiin, lawmawm a tih thu a sawi.

Lairam Christian Medical Centre Manager V. Lailiankima'n Lawngtlai District MJA member te chu lo dawngsawngin, MJA-in poor fund-a sum an chhunluh avangin lawmthu a lo hrilh a. Damdawiin in NEC kaltlanga tunhnaia khawl thar chi hrang hrang 16, a vaiin Rs. nuai 396 leh sing 9 man an neih thu pawh lo hrilhin, an khawl thar zing ami CT Scan khawl chu an enho bawk.

Lawngtlai District MJA hruaitute chuan MJA member leh an chhungte damloh nikhuaa inenkawl kawngah Lairam Christian Medical Centre chuan ngaihhnathiamna thui tak an nei thin nia sawiin, lawmawm an tih thu an sawi bawk a ni.

MJA hi kum 1972, March ni 23-a din niin, President hmasaber chu Lal Thanhawla a ni a, Vice President hmasaber C. Chhunbura (L), Treasurer hmasaber Lalbuaia (L), Secretary General hmasaber RK Pautu (L), Secretary hmasaber Biaksanga te an ni. a tira Secretary General tih thin chu kum 1977 atangin General Secretary tia thlak a ni a, General Secretary hmasaber chu Secretary hmasaber Biaksanga a ni.

MJA-ah hian member 192 an awm mek a. General Headquarters, Aizawl-ah member 91 an awm a, Lunglei district-ah 20; Champhai district-ah 17; Serchhip district-ah leh Kolasib district-ah 14 ve ve; Siaha district-ah 12; Lawngtlai district-ah 10; Mamit district-ah 8; Hnahthial district-ah 6 te awmin, Saitual district chu Gen. Hqrs-ah an la bet a, Khawzawl district pawh Champhai district-ah an la bet rih bawk.

MJA hian tun thla ni 26-ah Aizawl-ah General Conference an hmang dawn a, kum 2024-2026 chhunga an hruaitu tur an thlang bawk ang. 

Comments

Post a Comment

Popular posts from this blog

Lengpui-ah Myanmar Sipai thlawhna chesual

Image
#ZabilianZ Jan 23: Myanmar sipai, Mizorama tlanchhiate rawn hruai tur Myanmar Sipai thlawhna chu vawiin khan Lengpui Airport ah a chesual a, nunna chan an awm lo. Thudawnnain a sawi danin, pilot leh thawktu dang mi 14  chuanna Myanmar sipai thlawhna hi a rawn țum hnu lawkah runway-a a tlan laiin a kawi thut a, a tlan liam ta a ni.  Myanmar sipai thlawhna chesualah hian nunna chan an awm lova, hliam na deuh mi 4 leh hliam na vak lo mi 4 te chu Lengpui damdawi in panpui an nih thu thudawnna chuan a sawi bawk.
Read more

MNF leh Congress Candidate intawm atan Lalrinfeli - chhinchhiahna atan mipa leh hmeichhe inkai

Image
#ZabilianZ Aug 05: Aizawl Municipal Corporation (AMC) Ward VI bye-election lo awm turah AMC-a rorellai MNF leh Congress party an thawkdun dawn a, he ward bialtu Corporator, chatuan ram pan ta John Zosangliana Ralte nupui Lalrinfeli (Mafeli), Chanmari West chu an candidate ințawm a nih tur thu zanin khan an puang a. A chhinchhiahna tur chu mipa leh hmeichhe inkai lai lem a ni ang. MNF leh Congress party candidate ințawm hi zanin khan Indoor Stadium hall, Chanmari West-ah MPCC Vice President, Minister hlui RL Valla"n puangin, campaign khuhhawnna hun a hmang nghal a. MNF Vice President, MLA ni bawk Lalchhandama Ralte leh MPCC Vice President, MLA ni bawk C Ngunlianchunga ten thu an sawi bawk.#zabilianz AMC Ward VI (Chanmari West, Hunthar Veng leh Edenthar Veng) bialtu Corporator John Zosangliana Ralte chuan kumin March 21 khan chatuan ram a pan avanga a hmun ruak hnawhkhat tura bye-election hi buatsaih tur a ni a. Bye-election hi tun thla ni 22-ah neih a ni ang. AMC Ward VI bye-electi
Read more

RO hmaah Lalramdingngheti koh a ni - ngaihdam dilin thupha a chawi

Image
#ZabilianZ Nov 03: Mamit biala Independent Candidate Lalramdingngheti chu tunhnaia video viral chungchangah Returning Officer V.L. Remliana hma-a insawifiah tura koh niin, nimin tlai khan RO office-ah a inlan. Lalramdingngheti hi Bru hnamte hnena a thusawi chungchangah hnam leh hnam inkara inunauna tichhe thei zawnga ngaih theih a awm avang leh Model Code of Conduct bawhchhiat theihna a nih avangin November ni 4, 2023 hma ngeia insawifiah tura koh a ni a. Nimin tlai lamah khan RO chu hmuin a thusawi chungchangah a insawifiah a ni. Bru hnam zinga a thusawi chu chi leh chi, hnam leh hnam inkara inhmelmakna leh inunauna tichhe tur lam hawi zawng a sawi a nih loh thu Lalramdingngheti chuan sawiin, Pathianin Bru hnam te hnenah Israel thlahte an nihna hrilhhre tura a tih a hrilhna lamah sawi loh tur a lo sawi tel palh niin a sawi a. RO hnenah hian ngaihdam dilin, thupha a chawi bawk. Mamit bial RO V.L Remliana chuan tunhnuah hnam thila inlaichinna tichhe thei zawnga thu sawi tawhlo turin Lal
Read more