Khawvela tui awm za-a 2.5 chauh tui thianghlim a ni tawh :Er. Lalhmingliani Hmar


#ZabilianZ March 23: Nimin (March ni 22) kha World Water Day a ni a, Aizawl-ah chuan PHED Secretary Er. Lalhmingliani Hmar hovin Vanapa Hall-ah he ni hi hman niin, district hrang hrangah hman a ni bawk.

He hun hmanpuitu PHED Secretary Er. Lalhmingliani Hmar chuan tui pawimawhna sawiin, mihring leh nunna nei dang reng reng tui tel lova an nun theih loh thu a sawi a. Khawvel hmun thuma thena hmun hnih zet tui a nih thu leh khawvela tui awm tak zawk erawh chu tui bawhhlawh a nih thu sawiin, "khawvela tui awm za-a 2.5 chauh tui thianghlim a ni" a ti.

Tuihna a kang chakin, a kum telin ruahtui a mumal lova, hei hian thlai thar chhuah zat pawh a ti tlem tial tial tih PHED Secretary chuan a sawi a. Tuihna awmsa humhalha tipung tura tanlak nasat a tul tawh takzet thu sawiin tuihna tipung zawnga mahni theihna zawn theuha tan la turin mitin te a sawi a ni.

World Water Day thupui 'inrem nan tui' sawitu CE, PHED Er. Lalrothanga'n "tui litre maktaduai 40 kan mamawh laiin nikum (2023) khan Tlawngah khuan tui litre maktaduai 24 chauh a awm tawh" a ti a. A kam zellohna tura theihtawpa hma an lak thu a sawi.

Kan tui tlan kam zel chu sik leh sa inthlak avanga ruahtui mumallo avang te, kan bawhhlawh paih fimkhur loh avangtea thleng a nih thu Er. Lalrothanga chuan a sawi a. "Thal laia kan tui dinhmun leh fur laia kan tui dinhmun a inthlau hle" tiin, fur lai chuan tih thianghlim harsa khawpa a nut thin thu leh chu chu keimahni tihnut a nih thu a sawi.

Tui nu lutuk tihthianghlim hun chhung a rei thin avangin tui pump thlengin a khaihlak nasat phah thin tih Er. Lalrothanga chuan a sawi a. "Kan khawsak dan hian kan tui dinhmun a hril a ni" tiin, kan bawhhlawh paih dan diklo te, kan leivung paih dan diklo te chu keimahni bawkin kan tuar tih a sawi bawk.

World Water Day-ah hian tuihna humhalh leh venhim kawnga thawk tha te hnenah chawimawina hlan an ni a. Tuihna humhalh leh venhim kawnga mimal thawk tha chawimawina dawngtute chu - Pi C. Lalngaihsaki, Thaizawl, Lunglei District; Pu H. Lalramnghaka, Lamchhip, Aizawl District; Pu R. Lallianzela, Kepran, Aizawl District leh Pu Pachhunga, Thiak, Aizawl District te an ni.

Mizorama Watsan Committee thawk tha te lawmman pawh sem a ni a. Lawmman latute - pakhatna - Mualthuam North Watsan Committee; pahnihna - Chhuanthar Tlangnuam Watsan Committee; pathumna - Vanchengte Watsan Committee leh Buarpui Watsan Committee an ni.

Aizawl District-a khawtina Watsan Committee te tana inelna buatsaiha lawmman pawh sem a ni a - pakhatna - Sailam Watsan Committee; pahnihna Sesawng Watsan Committee; pathumna Lamchhip Watsan Committee te an ni.

Comments

Post a Comment

Popular posts from this blog

Lengpui-ah Myanmar Sipai thlawhna chesual

Image
#ZabilianZ Jan 23: Myanmar sipai, Mizorama tlanchhiate rawn hruai tur Myanmar Sipai thlawhna chu vawiin khan Lengpui Airport ah a chesual a, nunna chan an awm lo. Thudawnnain a sawi danin, pilot leh thawktu dang mi 14  chuanna Myanmar sipai thlawhna hi a rawn țum hnu lawkah runway-a a tlan laiin a kawi thut a, a tlan liam ta a ni.  Myanmar sipai thlawhna chesualah hian nunna chan an awm lova, hliam na deuh mi 4 leh hliam na vak lo mi 4 te chu Lengpui damdawi in panpui an nih thu thudawnna chuan a sawi bawk.
Read more

MNF leh Congress Candidate intawm atan Lalrinfeli - chhinchhiahna atan mipa leh hmeichhe inkai

Image
#ZabilianZ Aug 05: Aizawl Municipal Corporation (AMC) Ward VI bye-election lo awm turah AMC-a rorellai MNF leh Congress party an thawkdun dawn a, he ward bialtu Corporator, chatuan ram pan ta John Zosangliana Ralte nupui Lalrinfeli (Mafeli), Chanmari West chu an candidate ințawm a nih tur thu zanin khan an puang a. A chhinchhiahna tur chu mipa leh hmeichhe inkai lai lem a ni ang. MNF leh Congress party candidate ințawm hi zanin khan Indoor Stadium hall, Chanmari West-ah MPCC Vice President, Minister hlui RL Valla"n puangin, campaign khuhhawnna hun a hmang nghal a. MNF Vice President, MLA ni bawk Lalchhandama Ralte leh MPCC Vice President, MLA ni bawk C Ngunlianchunga ten thu an sawi bawk.#zabilianz AMC Ward VI (Chanmari West, Hunthar Veng leh Edenthar Veng) bialtu Corporator John Zosangliana Ralte chuan kumin March 21 khan chatuan ram a pan avanga a hmun ruak hnawhkhat tura bye-election hi buatsaih tur a ni a. Bye-election hi tun thla ni 22-ah neih a ni ang. AMC Ward VI bye-electi
Read more

RO hmaah Lalramdingngheti koh a ni - ngaihdam dilin thupha a chawi

Image
#ZabilianZ Nov 03: Mamit biala Independent Candidate Lalramdingngheti chu tunhnaia video viral chungchangah Returning Officer V.L. Remliana hma-a insawifiah tura koh niin, nimin tlai khan RO office-ah a inlan. Lalramdingngheti hi Bru hnamte hnena a thusawi chungchangah hnam leh hnam inkara inunauna tichhe thei zawnga ngaih theih a awm avang leh Model Code of Conduct bawhchhiat theihna a nih avangin November ni 4, 2023 hma ngeia insawifiah tura koh a ni a. Nimin tlai lamah khan RO chu hmuin a thusawi chungchangah a insawifiah a ni. Bru hnam zinga a thusawi chu chi leh chi, hnam leh hnam inkara inhmelmakna leh inunauna tichhe tur lam hawi zawng a sawi a nih loh thu Lalramdingngheti chuan sawiin, Pathianin Bru hnam te hnenah Israel thlahte an nihna hrilhhre tura a tih a hrilhna lamah sawi loh tur a lo sawi tel palh niin a sawi a. RO hnenah hian ngaihdam dilin, thupha a chawi bawk. Mamit bial RO V.L Remliana chuan tunhnuah hnam thila inlaichinna tichhe thei zawnga thu sawi tawhlo turin Lal
Read more