ZabilianZ

#ZabilianZ May 31: Karleh Thawhlehni (June ni 4)-a Lok Sabha inthlanpui vote tla te chhiarna tur Mizoram district hrang hrangah peihfel tawh a ni. Mizoram-ah vote chhiarna tur counting centre 13 ruahman niin, Aizawl district-ah counting centre 3 a awm ang a, district dang zawngah counting centre 1 theuh a awm ang. Counting hall 40-ah vote chhiarna tur dawhkan 379 ruahman a ni. Vote chhiar tura mawhphurhna hrang hrang neite’n training an nei zo fel tawh a. Vote chhiarnaah hian Returning   Officer, Assistant  Returning  Officer,   Counting Supervisor, Counting Assistant, Micro-Observer leh hna pawimawh dang hrang hrang thawktu mi 2000 vel an awm dawn a. Security mi leh sa ten Counting Centre tinah thuah thumin venhim hna an thawk dawn a ni.#ZabilianZ Zing dar 8 atangin vote chhiar tan a ni ang. Mamit district-ah counting hall 3-ah dawhkan 25 ruahman a ni a. Kolasib district-ah counting hall 3-ah dawhkan 31 Aizawl district-ah counting hall 12-ah dawhkan 112 Saitual district-ah counting ha

#ZabilianZ May 30: Kanhmun Police Check Gate a duty ten tun thla ni 25 khan Aizawl - Agartala Maxi Cab service (TR 06 0002) ațangin Rul 18, Satel 4 eh Zawng 2 dan kalha phurh an man. Maxi Cab khalhtu Chawngthanmawia (32) s/o Tudui, Amapur District, Tripura-in Police te hnena a sawi danin, heng nungcha te hi Binoi Molsom @Sanga Molsom-in Zodin Bus Stand, Aizawl atanga a thawn niin, Zo Sumo Travels Counter, Agartala, a sumo pakhatah hlan chhawng turin a ti a ni.#ZabilianZ Nungchate thawntu nia sawi Binoi Molsom (34) Bakbasa, North Tripura, Silai Mual Melthum, Aizawla awm nia hriat chu  heng nungcha thawn tu chu chhui zui niin, Sairang Police-in an man zui a. ta a. Nungcha man te chu Range Officer, Kanhmun Forest Range, Forest Department, Mizoram hnen ah a tul anga hma la tura hlan an ni tih Police hotute chuan an sawi.#ZabilianZ #ZofateHuapzo

#ZabilianZ May 29: Bawngchawmtlang, Serchhip-a Paragliding an tihna hmuna Guest House-a thil awm Rs. 86,500 man hu a bo. Mizoram Aero-Sports Association (MASA) Sub. Hqrs., Serchhip hruaitu ten an sawi danin, Guest House atang hian mattress (single) 21, rizai 18, blanket 22 leh generator lian battery 1, a vaiin Rs. 86,500 man hu a bo a. Serchhip Police Station-ah FIR an thehlut a ni. #ZabilianZ MASA Sub. Hqrs., Serchhip hruaitute chuan Bawngchawmtlang, Serchhip-a Paragliding take off Guest House an tihah hian awmchilha viltu an awm rih lo niin an sawi a. Thil bo te chu motor hmanga phurh ngai te a nih avangin țumkhata bo ni lovin, kumin April thla tawplam ațanga tlem tlema thiar chhuah nia an rin thu leh kar kalta lam khan thil bo a awm thu an hriat chauh thu an sawi. Guest House kawngkapui leh tukverh te pawh a inkalh țha niin an sawi a. Rukru te chuan tukverh (nawr tawlh chi) chu an hawng thiam nia an rin thu sawiin, tukverh bulah chuan mihring ke hniak/thla te pawh a awm niin an sawi

#ZabilianZ May 23: Mizo Students’ Union, Hqrs., Chawngte-in Kamalanagar HSS-ah June ni 4, 2024 ral hmaa Education leh Economics zirtirtu dah turin sorkar an ngen a, an ngennain awmzia a nei lo a nih chuan "MBSE-in school tan hun tura a ruat ni 05.06.2024 ah Kamalanagar HSS zirlai te chuan school tan ve lo se kan ti" an ti. MSU Hqrs., Chawngte chuan Kamalanagar HSS-a Education zirtirtu chu September ni 1, 2023 khan pension mahse, sorkarin a aiawh tur a dah mai loh avangin a thahnemngaihnain, hlawh pawh phut lovin HSSLC exam hma zawng a thawk zui niin an sawi a. Economics zirtirtu pawh taksa lama harsatna a neih avangin October ni 1, 2023 khan Govt. Zemabawk HSS, Aizawl-ah sawn a nih thu sawiin, a aiawh dah a la ni lo niin an sawi. Kamalanagar HSS-ah Education leh Economics zirtirtu an neih loh avang hian zirlai ten harsatna an tawk nasa hle niin MSU Hqrs., Chawngte chuan an sawi a. An result pawhin a tawrh phah hle niin an sawi bawk.

#ZabilianZ May 23: Suzuki Motorcycle India Private Limited (SMIPL)-in Mizorama an chet that avangin Brigade Field, Bawngkawn, Aizawlah Mizoram Gixxer Day an buatsaih. Gixxer Day hi vawiin khan SMIPL Division Manager Miyaji San chuan a hawng a, Mizoram Gixxer Club T-shirt tlangzarh nghalin, Mizo mipuiin Gixxer bakah Suzuki siam lirthei ke hnih nei an ngaihhlut avangin lawmthu a sawi a. Anmahni dawrtute tan a tha thei ang bera hma laksak zel an tum tih a sawi bawk. Japanese Miyaji San nen company lam atangin mi pangain Gixxer Day hi an hmanpui a, kum 10 chhung Gixxer bike nei tawh te thilpek hlanin 2017-a din Mizoram Gixxer Club-in mumal taka ke a pen bawk avangin an ngai hlu a, chuvangin Gixxer Day an buatsaih a, mipui tam zawkin Suxuki lirthei an hmelhriat theihna remchang a nih an beisei bawk. Gixxer Day ah hian Carnival, a duh apiang tel theihna tur inelna chi hrang hrang, bike stunt show, cosplay leh concert an huaihawt a ni. Kum 2014 khan LBS Suzuki-in Mizoramah Suzuki two-wheeler

#ZabilianZ May 22: Tourism Minister Pi Lalrinpuii hova vawiina Tourism Deptt. hotute thukhawmin Winter Festival leh Leitlangpui Music Festival te Event Management hnena tender hmanga pek an rel. Kumin kumtawp lama Winter Festival leh Leitlangpui Music Festival festival neih tur chungchang ngaihtuaha Tourism Minister hova thukhawm chuan kum bul atanga ruahmanna fel leh tha zawk a awm thei na tura hmalak dan tur te pawh an sawihova. Hnam tin te telna kut a nih theih na tur te, heng kut te hmanga khualzin tam zawk hip theih dan tur te an sawiho bawk. Tourism Minister hova thukhawm hian Mizoramah Star Hotel a awm ve theihna tura tura hmalak tawh dan te pawh thlir hovin, tun aia chak zawka hmalak dan tur te an sawiho bawk a ni. Tarlan tawh angin Tourism Minister Pi Lalrinpuii chuan kum 2006 atanga hman tan Anthurium Festival chu titawpa, a aiah Lungleia Leitlangpui Music Festival buatsaih tum a nih thu hi tunkar Thawhtanni (May ni 20, 2024)-a ZPM party office-a ZPM party chhung inkhawmah a

#ZabilianZ May 17: Kum 2011 Mizo Idol top 10 zing ami, Reiek Rocker tia hriatlar Roluahpuii'n Ailawng-ah pasal a nei dawn a, Ailawng Rocker nih zui zel a tum. Reiek Rocker Roluahpuii (Rpi) pasal tur hi an khaw thenawma mi Rosangzuala (Rsa) a ni a, June ni 7, 2024 chawhnu dar 1-ah UPC (NEI) Biak In, Ailawng-ah an innei ang a, inneih tuh an tiam laiin Rpi hi Lalchhuansangi, Ailawng-in a dinpui dawn a, Lalruatfela, Ailawng-in Rsa a dinpui thung ang. Mizo Idol star zing ami Rpi leh Rsa te hi kum hnih vel an lo inzui tawh a, khaw inthenawm an nih bawk avangin an zia pawh an inchiang dun hle niin Rpi chuan a sawi a. A pasal tur chuan zai lam pawh a tupuiin, a thlawp tha hle nia sawiin, "zaithiam tia sawi tur ni lo mahse, zai nuam ti mi, zai leh rimawi lam tuipui tak mi ve tho a ni a, hmun hrang hranga zaia hun ka hmanna ah te pawh min hruai fo thin" a ti. A pasal turin zai lama a thlawp that avangin an inneih hnu ah pawh a tan zai lama inhman zui zel harsatna a awm a rin loh tu

#ZabilianZ May 16: MZU bawlhhlawh paihtuin dan a bawhchhiat avangin Aizawl Municipal Corporation (AMC)-in Rs. 40,000 chawi tur leh a bawlhhlawh paihte a paihna tur hmuna paih leh vek turin a ti. AMC-in hemi chungchanga thupek vawiina a tihchhuaha tarlan a nih danin, MZU-in an bawlhhlawh paih tura an thlan Mike Vanlalduhawma, Tuivamit chuan bawlhhlawh paihna tur hmun ni lo, Tuikual lui hnarah bawlhhlawh te chu motor MZ 01/P 0 8216 hmangin a paih tih finfiah a ni a. Dan hrang hrang a bawhchhiat avangin he thupek chhuah a nih atanga ni 15 chhunga Rs. 40,000 chawi tur leh an bawlhhlawh paih tawh te chu thla khat chhunga thliarfela Tuirial-a a paihna tur hmuna paih leh vek turin a ti a ni. MZU bawhlhhlawh paihtuin dan hrang hrang a bawhchhiat leh AMC-in a hremna te : 1) Bawlhhlawh paih phallohna hmuna paiha a hal avangin Rs. 25,000 chawi tura tih a ni. 2) Bawihhlawh paihna hmun tur ni lova a paih avangin Rs. 5,000 chawi tura tih a ni. 3) Bawlhhlawh paih tur khuh lova a phurh avangin Rs. 5,0

#ZabilianZ May 16: PBCR (Population Based Cancer Registry), Civil Hospital, Aizawl-in vawiin khan Aijal Club-ah chhul hmawr cancer hmuhchhuah dan tur tihchangtlun chungchang zirhona (SHE-CAN Study) Co-Design Workshop a buatsaih a. Kum 2018 atanga 2022 inkarah Mizorama chhul cancer hmuh chhuah tawh 620 zinga 486 (78%) chu enkawl dam an nih thu tarlan a ni. Workshop-ah hian Dr. Jeremy L. Pautu-in Mizorama chhul cancer (Cervical) dinhmun sawifiahin, kum 2018 atanga 2022 inkarah Mizorama chhul cancer hmuh chhuah 620 zinga 486 (78%) chu enkawl dam an nih thu a sawi a, hemi hun chhung veka hmuhchhuah zinga 134 te an thi niin a sawi. He hun hmanpuitu Principal Investigator, National Health Mission-a Mission Director ni bawk Dr. Eric Zomawia'n Global Alliance for Chronic Disease (GACD) leh National Health & Medical Research Council of Australia (NHMRC) te nen thawkhovin Mizoramah HPV (Human Papillomavirus) Screening (Cervical Cancer thlentu) zirchian a nih thu a sawi a. National Health

#ZabilianZ May 15: 20 Bn BSF, Zotlang Lungleia awm ten nimin leh vawiin (May 14&15, 2024)-ah 'Meri Life Amplification Plan -2024' hnuaiah faina hun hmangin Zotlang leh Pukpui inkar NH 54 huam chhung hmun thenkhat tifaiin an hnatlang. 20 Bn BSF te faina hnatlang hi tualchhung mi te pawhin an tawiawm a. 20 BN BSF Commandant Neeraj Sharma chuan "he hnatlanga thawkchhuak te hian hna zahawm tak an thawk a ni" tiin lawmthu a sawi a. Prime Minister-in faina chungchang a ngaihpawimawh thu sawiin, tuna an hmalakna pawh 'India fai 'Swachhta Bharat' tihhlawhtlinna tur pakhat a nih thu a sawi. Ramri vengtu 20 Bn BSF sipai ten faina leh hriselna kawngah an theih ang angin hma an la ve thin tih 20 BN BSF Commandant chuan sawiin, an medical officer te pawhin theihtawp an chhuah thin thu a sawi a. Thosi atanga natna kai darh theih sikserh leh natna hri leng dang te pawh in leh a vel tih faia pumpelh theih a nih thu sawiin, chumi hlawkpuitu tur chu khaw mi leh sa te ve

#ZabilianZ May 10 : Mizo Cultural Organisation (MCO), Gen. Hqrs. Executive Committee member leh MCO Gen. Hqrs hnuaia sub-committee hrang hrang member chu vawiin tlai khan Aijal Club-ah an țhukhawm a. Pawl tana hmalakna hrang hrang leh hmachhawp te an sawiho. He țhutkhawm hi MCO Gen. Hqrs President Pu Robert Romawia Royte-in a kaihhruai a. Sub-committee hrang hrang ten Gen. Assembly rorel an bawhzui dan leh hmachhawp an neih te an sawi hnu ah Gen. Hqrs-in a bawhzui ngai leh bawhzui dan tur te an sawiho a ni. MCO General Secretary hnen atanga thudawn danin MCO Gen. Hqrs hnuaiah Sub-Hqrs 4 leh Branch/Club 200 vel an awm mek a. Tunțum hi hruaitu thar te kaihhruaia executive committee member leh sub-committee hrang hrang member te inhmuhkhawmna hmasaber niin, inhmelhriattawnna atana hmang nghalin, zanriah an kilho nghal bawk a ni.

#ZabilianZ May 07: MNF President Zoramthanga'n MNF party Adviser nilai Robert Romawia Royte chu MNF thalai President atan a ruat a. MZP President hlui Lalnunmawia Pautu chu Vice President atana ruatin, V. Vanlalhriatpuia, Ramthar North Aizawl chu Treasurer atan a ruat bawk. MNF President chuan Mizo National Women Front hruaitu thar tur pawh ruatin, President atan K. Lalrengpuii, Khatla, Aizawl, Vice President atan B. Lalawmpuii, Chhinga Veng leh Treasurer atan Irene Lalruatkimi, Tlangnuam te a ruat thar a. Party General Secretary atan mi 30 a ruat thar bawk. Hruaitu hrang hrang ruat tharna hi vawiin khan MNF President Zoramthanga chuan a hming ziakhnanin a tichhuak a ni. 

#ZabilianZ May 02: Vawiin tlai thimhlima thli leh ruah thawkin Thenzawl Vengthar-ah in thum chu luah zui tlaklohin a tichhia a, in 4 vel a chung rangva a la bawk. Vantawng Editor Pu Liantluanga Renthlei hnen atanga thudawn danin, hriat theih chinah vawiin tlaia thli leh ruah thawk khan Thenzawl Vengthar-ah in thum chu luah zui tlaklohin a tichhia a, in 4 vel a chung rangva a la a. Thenzawl Venghlun-ah in hnih chu a chung la a, electric ban leh hrui engemawzat a tihchhiat avangin Thenzawl khaw pumin power supply an dawng thei lova, naktuk zing dar 6 aṭangin P&E department-in line chhia siamṭhat hna an thawk tan ang. Thenzawl Joint VC leh Joint YMA te pawh zanin la la khan thukhawmin, thli leh ruahin a tihchhiat in te chu naktukah a remchan dan anga thawmṭhat hna thawk turin vantlang hnatlang an ko nghal a. A tul angin P&E department pawh thawhpui ni se, an ti bawk. 

#ZabilianZ May 01: Save the Riparian pawl-in Tlawng lui  pawhtu lui kawr te thenfai beipui an thlak kal zelah vawin khan a thawhhnihna 'Save the Riparian Phase II' an tan leh a. A thawhnihna hian ni 30 chhung a awh anga, Tuithum lui paltlanga Tlawng lui pawhtu Tuikual lui leh a fintu kawr te thianfaiin beihpui an thlak leh ang. Save the Riparian pawl hian March ni 26, 2024 khan Tlawng lui pawhtu lui kawr te thenfai beihpui hi an kalpui tan a. A thawhkhatnaah hian Mission Vengthlang leh Model Veng lam atanga bultanin ni 20 chhung beihpui hi an thlak a ni. He beihpuia bultumtu Save the Riparian pawl chuan an hmalakna kawng hrang hranga tawiawma thlawptute hnenah lawmthu an sawi a. An pawl chu a duh apiang tel nghal zel mai theihna pawl a nih thu sawiin, an hmalakna atana thawkchhuak apiang te chu an pawl an ni nghal zel mai niin an sawi. Save the Riparian pawl hmalakna hian Zoram hmun hrang hrangah pawh rah tha a chhuah chho mek a. Mahni thawk chhuak thei lo te pawhin a thawk chh