AMC-in dan bawhchhia hremna tur thupek tichhuak

#ZabilianZ May 16: MZU bawlhhlawh paihtuin dan a bawhchhiat avangin Aizawl Municipal Corporation (AMC)-in Rs. 40,000 chawi tur leh a bawlhhlawh paihte a paihna tur hmuna paih leh vek turin a ti.

AMC-in hemi chungchanga thupek vawiina a tihchhuaha tarlan a nih danin, MZU-in an bawlhhlawh paih tura an thlan Mike Vanlalduhawma, Tuivamit chuan bawlhhlawh paihna tur hmun ni lo, Tuikual lui hnarah bawlhhlawh te chu motor MZ 01/P 0 8216 hmangin a paih tih finfiah a ni a. Dan hrang hrang a bawhchhiat avangin he thupek chhuah a nih atanga ni 15 chhunga Rs. 40,000 chawi tur leh an bawlhhlawh paih tawh te chu thla khat chhunga thliarfela Tuirial-a a paihna tur hmuna paih leh vek turin a ti a ni.

MZU bawhlhhlawh paihtuin dan hrang hrang a bawhchhiat leh AMC-in a hremna te :

1) Bawlhhlawh paih phallohna hmuna paiha a hal avangin Rs. 25,000 chawi tura tih a ni.
2) Bawihhlawh paihna hmun tur ni lova a paih avangin Rs. 5,000 chawi tura tih a ni.
3) Bawlhhlawh paih tur khuh lova a phurh avangin Rs. 5,000 chawi tura tih a ni.
4) Bawhhlawh a thliar hran loh avangin Rs. 5,000 chawi tura tih a ni.

Dan hrang hrang a bawhchhiat avanga Mike Vanlalduhawma'n a chawi tur zawng zawng belhkhawm chu Rs. 40,000 a ni.