Tun thla chhung awh tur Tlawng lui pawhtu kawr te thenfai beihpui thawhhnihna vawiinah tan
#ZabilianZ May 01: Save the Riparian pawl-in Tlawng lui pawhtu lui kawr te thenfai beipui an thlak kal zelah vawin khan a thawhhnihna 'Save the Riparian Phase II' an tan leh a. A thawhnihna hian ni 30 chhung a awh anga, Tuithum lui paltlanga Tlawng lui pawhtu Tuikual lui leh a fintu kawr te thianfaiin beihpui an thlak leh ang.
Save the Riparian pawl hian March ni 26, 2024 khan Tlawng lui pawhtu lui kawr te thenfai beihpui hi an kalpui tan a. A thawhkhatnaah hian Mission Vengthlang leh Model Veng lam atanga bultanin ni 20 chhung beihpui hi an thlak a ni.
He beihpuia bultumtu Save the Riparian pawl chuan an hmalakna kawng hrang hranga tawiawma thlawptute hnenah lawmthu an sawi a. An pawl chu a duh apiang tel nghal zel mai theihna pawl a nih thu sawiin, an hmalakna atana thawkchhuak apiang te chu an pawl an ni nghal zel mai niin an sawi.
Save the Riparian pawl hmalakna hian Zoram hmun hrang hrangah pawh rah tha a chhuah chho mek a. Mahni thawk chhuak thei lo te pawhin a thawk chhuak te ei leh in leh an mamawh dang leina tur te an thawh a, bawlhhlawh paihna tura motor thawhchhuahpui te pawh an awm nia sawi niin, AMC bakah PHE Deptt. leh UD&PA Deptt. te pawhin Save the Riparian pawl hmalakna hi an pui bawk a ni.
Comments
Post a Comment