#ZabilianZ June 30: PWD Minister Vanlalhlana'n NHIDCL-in hma a lak mai loh avangin NH-6 (Vairengte-Sairang) enkawl nan sawrkar pawisa kum liamta-ah Mizoram sawrkarin Rs. nuai 200 leh kum kal mekah Rs. nuai 111.74 a seng tawh niin a sawi.
NH-6 (Vairengte - Sairang) siamthat leh enkawl chungchanga NHIDCL hotute leh Mizoram Tipper Association, Kolasib Sub-Hqrs. aiawhte nen an inkawmnaah he thu hi vawiin khan PWD Minister chuan a sawi a. Vairengte leh Sairang inkar kawng chu kum 2020-ah Ministry of Road Transport & Highways (MoRTH)-in NHIDCL kuta a hlan tawh thu sawiin, hetih hunlaia NHIDCL-in a lak theih loh chhan PWD hnathawh laklawh lai pawh nikumah thawh zawh a nih thu leh tunah chuan he kawng hi NHIDCL kuta awm a nih thu a sawi.
PWD Minister chuan he kawng hi NHIDCL kuta awm ni mahse, hma a lak mai loh avangin a enkawl nan sawrkar pawisa kum liamta-ah Mizoram sawrkarin Rs. nuai 200 leh kum kal mekah Rs. nuai 111.74 a seng tawh niin a sawi a ni.#zabilianznews
National Highway chu MoRTH ta a nih thu leh a siam leh enkawl zuina senso pawh MoRTH-in a tum thin thu leh a enkawl tur pawhin BRO/PWD/NHIDCL te a ruat thin thu PWD Minister chuan a sawi a. Vairengte - Sairang pawh NHIDCL kuta awm nih tawh avangin Mizoram PWD-in he kawng enkawl nan hian Central atangin sum a hmu thei tawh lo tih a sawi.
NHIDCL kawng enkawl lai siam mekna atan Mizoram sawrkar a insen mek laiin he kawng hi a that theih loh avangin Mizoram Tipper Association te an hnatlang tih PWD Minister chuan a sawi a. Resource-in a daih tawh loh avanga PWD hnena boulder trip 50 ngaihtuahsak tura an dilna chu a ngaihtuahsak tur thu a sawi bawk.#zabilianz #zabilianznews #zofatehuapzo
0 Comments