#ZabilianZ July 01: I&PR, P&S Minister Dr. Vanlalthlana'n vawiin khan a pisa-ah 46th Annual News & Documentary Emmy Award dawngtu Mizoram journalist, All India Radio Aizawl News Editor pahnih – H.C. Vanlalruata leh Isaac Zoramsanga te hnenah lawmpuina thilpek a hlan.#zabilianznews
H.C. Vanlalruata leh Isaac Zoramsanga te hi BBC News-in a siam 'Myanmar’s Civil War' ah producer niin, outstanding continuing news coverage – short form category ah chawimawina hi an dawng a ni.
I&PR, P&S Minister chuan India ram mai ni lo, khawvel huap chawimawina chhuanawm tak dawngtute fakin, Mizoram journalism khawvel tan pawh hmasawnna lian tak a nih thu a sawi a. Journalist-te chu khawvel hmaa thil nih dan dik tak phochhuaktu pawimawh nia sawiin, journalist tha ni tur chuan mihuaisen leh dikna ngaina mi nih a tul thu a sawi bawk.#zabilianznews
I&PR, P&S Secretary Betsy Zothanpari Sailo pawhin award dawngtute a lawmpui thu sawiin, journalism lama hmasawn zel turin kalkhawmte a sawm a. I&PR, P&S Director Lalnunkima pawhin Mizo journalist zinga hetiang dinhmun thleng thei an awm chu lawmawm a tih thu sawiin, midang tan chona tha mi a nih ngei a beisei thu a sawi bawk.
Chawimawina dawngtute pahnih pawhin chawimawina an dawnna documentary an buaipui dan te an sawi a. MJA hruaitu ten lawmpuina thu an sawi bawk a ni.#zabilianz #zabilianznews #zofatehuapzo
0 Comments