#ZabilianZ June 30: Chief Minister Lalduhoma'n nationalism chu vai huat tihna a nih loh thu sawiin, "nationalism dik tak chu hnamdang te thiana siama, an hmasawn anga hmasawn ve a, a tul anga an hnen atanga zir leh thawhpui a ni" a ti.
MZP buatsaih Remna Ni lawmna ah he thu hi vawiin khan Aizawl Lammual-ah Chief Minister chuan a sawi a. Central sawrkar nena inrema, kal dun thiam a ngai nia sawiin, "Mizoram tana a that phawt chuan central-ah eng party pawh sawrkar se kan thawhpui thei tur a ni" a ti bawk.
Chief Minister chuan "Politics-ah inremin awm ila, mawi lo taka inbeihna hi tibo ang u" a ti a. "Kan khawlai hi ralmuang rawh se, tuallaiah zurui awm suh se. Khawlaia buaina siam te hi bo rawh se. I titawp ang u" tiin, mipa chu tuallaiah a inhrosa tur a nih loh thu leh thenawm khawveng te nen pawh inrema chawhmeh te insuah tawn tur a nih thu a sawi.#zabilianznews
Mizorama raltlan fel tak tak kara misual tlema zawngte thil tih pawi a tih thu pawh Chief Minister chuan sawiin, "Kan unaute hian kan dan te hi lo zah rawh se, kan khawtlang nunphung leh tihdan te lo pawmin lo zawm ang che u", tiin raltlan te a chah bawk.
Chief Minister chuan khawvel hmun hrang hranga cheng Zofate chibai bukin, Remna Ni hmun khatah lungrual taka hman za theih a duh thu a sawi a. Indo chu a man a tova, fahrah leh hmeithai a siam a, zalenna a bova, ram hmasawnna a tithuanawp a, a awmsa pawh a tichhe thin tih sawiin, Mizoramah remna a awm zel theih nan sawrkarin theihtawp a chhuah tur thu a sawi bawk.#zabilianz #zabilianznews #zofatehuapzo
0 Comments