#ZabilianZ Oct 30: MZP hruaitu ten vawiin khan Home Minister Pu K. Sapdanga chu a pisa-ah hmuin, Mizoram sawrkar-in Inner Line Permit (ILP) dan a siamthat mekah rawtna an neih te an thlen.
MZP chuan ILP dan siamthat tura Home Minister hnena rawtna an thlen chu hlawm rukah thenin - administrative efficiency, traveller access, digitalization, enforcement, penalty leh sponsor mawhphurhna bakah centralised online ILP portal siam tul an tih thu an talang bawk.
Aizawl/Sairang rel link tharah entry point lian counter tam zawk, staff training tha zawk leh diltute tan online helpdesk siam a tul thu pawh MZP chuan an thlen a. Online application hmanga system full digitalization, Aadhaar-linked verification, real-time tracking leh permit dik leh dik loh enfiahna tur mobile apps hmanga siam bakah dan bawhchhiate mipuiin an report theihna channel siam tura rawtna te, ILP hmang diklo leh validity tawp tawh hnua la cham te hremna tur bakah dan bawhchhia official-te pawisa chawitirna dan leh a sponsor tu te pawh limit siam saka, an mawhphurhna tur rawtna te Home Minister hnenah hian an thlen bawk a ni.
Home Minister chuan ILP dan an siamthat tura rawtna hrang hrang MZP hruaitu ten an thlen chu tha a tih thu a sawi a. MZP rawtna chu ngaihpawimawh a nih tur thu sawiin, MZP hruaitu thar te nena inkawmhona hun tha tak an neih theih avanga lawmawm a tih thu a sawi bawk.#zabilianz #zabilianznews #zofatehuapzo
0 Comments