#ZabilianZ July 3, 2026: Khawlian khuaa Bazar Shed thar leh Khawlian Centenary Higher Secondary School thar chu bialtu MLA, Mizoram Legislative Assembly Speaker ni bawk Lalbiakzama’n vawiin khan a hawng.
Khawlian Bazar shed thar hi Lok Sabha MP Richard Vanlalhmangaiha'n MP fund Rs. 24,37,500 a ruahmansak hmanga sak a ni a. School thar - Khawlian Centenary Higher Secondary School chu bialtu MLA-in MLA fund Rs. nuai 2 a pek leh khawtlang mipui thawhkhawm Rs. nuai 2 leh sing 2 hmanga bultan a ni thung.
Bialtu MLA Lalbiakzama chuan Khawlian khua chu Saitual district-a sumdawnna hmun pawimawh nia sawiin, Bazar shed thar chuan nitin bazar-a eizawng te tan hmasawnna a thlen ngei a beisei thu a sawi a. Sorkarin khaw mipuite hmasawnna tur a ngaihtuah reng thu a sawi bawk.#zabilianznews
Khawlian Centenary Higher Secondary School an hawng thei ta pawh lawmawm a tih thu sawiin, "zirna hi hmasawnna kailawn a ni" a ti a. Zirlai, naupang ten hlawhtlinna an chan chhunzawm zel theihna tura theihthawp chhuah turin khaw mipuite chu a chah a ni.
Khawlian Centenary Higher Secondary School-ah hian class room 3, principal office, office, inthiarna te a awm a, zirlai 30 an awm.#zabilianz #zabilianznews #zofatehuapzo
0 Comments