#ZabilianZ July 8, 2026: MNF President Zoramthanga'n MNF thalai, senior front leh women front bakah district hqrs, Siaha leh Chawngte hruaitu tur te a ruat thar a. An term tur chu order chhuah ni - July ni 7, 2026 atanga a ruattute term ang a nih tur thu order chuan a tarlang.
MNF President chuan an party dan-in thuneihna a pek angin, MNF thalai President atan Gogo Lalremtluanga, Mission veng, Vice President atan Lalnunmawia Pautu, Bawngkawn leh Treasurer atan Lalhmingthanga, Chaltlang te a ruat.
MNF Preident chuan Senior Front President atan TC Pachhunga, Zotlang, Vice President atan R. Roliana, Dinthar leh Treasurer atan PC Zoliansanga, Damveng te a ruat a. Women Front President atan B. Lalawmpuii, Chhinga veng, Vice President atan Vanlalrengpuii, Dam veng leh Treasurer atan Lalhmangaihzuali, Khatla South te a ruat.#zabilianznews
MNF thalai, senior front leh women front hruaitu atana ruat thar, General Hqrs-a nihna nei te chuan General Hqrs-a an nihna an chhawm zel tur thu order-ah chuan tarlan a ni.
Heng bakah hian MNF President chuan MNF District Hqrs. Siaha President atan PP Thawla, Ex-MLA, Vice President atan Nelson Khenglawt, MDC leh Treasurer atan LC Rolua te a ruat a. MNF District Hqrs. Chawngte President atan Purna Chandra Chakma, Vice President atan H. Amaresh Chakma leh Treasurer atan Bubon Kumar Chakma te a ruat bawk.#zabilianz #zabilianznews #zofatehuapzo
0 Comments