#ZabilianZ May 06, 2026: Mizoram State Healthcare Society Chief Executive Officer-in Mizoram Universal Healthcare Scheme empannelled hospital ni lovah damlo admit theih a nih thu leh damlo admit tur te chu nunna chhan nana enkawl nghal ngai - emergency bik chauh a nih thu hriattirna tichhuakin a tarlang.

Mizoram State Healthcare Society CEO Dr Lalhriatzuali Ralte-in hriattirna a tihchhuaha a lan danin - kumin April ni 1 atanga kalpui tan MUHCS 2.0-ah empanelled hospital ni lo ten MUHCS hmangtu damlo an enkawl theih te chu ICU-a dah nghal ngai damlote, nunna chhan nana zai nghal ngai leh accident tâwk nunna chhan nghal ngai te an ni.

Mizoramah empanelled private hospital 16 awmin - Aizawl district-ah JC Eye Hospital leh Nazareth Hospital, Redeem Hospital, Synod Hospital, BN Hospital & Research Centre leh Eye Care Hospital-te an ni a. Champhai district-ah DM Hospital leh MED-AIM Hospital, Lawngtlai district-ah Christian Hospital leh Lairam Christian Medical Centre, Lunglei district-ah Christian Hospital, Faith Hospital leh John Williams Hospital, Serchhip district-ah Mercy Hospital leh Siaha district-ah Maraland Gospel Centenary Hospital-te an ni.#zabilianz #zabilianznews #zofatehuapzo