Cooperative joint mission hnuaia hlawkna tel thei cooperative society sangkhat tal din tura rawtna thehlut

#ZabilianZ June 19, 2026: Cooperation Minister P.C. Vanlalruata'n Mizoram Cooperative Joint Mission hnuaiah hlawkna tel thei cooperative society (profit-making cooperative society) sangkhat tal din tura rawtna Ministry of Cooperation-ah thehluh a nih thu a sawi.

Mizoram State Cooperative Union (MSCU) Annual General Assembly Vanapa Hall-a hmanpuinaah he thu hi nimin khan Cooperation Minister chuan a sawi a. He mission-ah hian Rs. vbc 303 kum 3 chhunga implement theihna tur proposal thehluh a nih thu leh a hlawhtling thei a nih chuan Mizoram society-te chuan hmasawnna rahbi thar an chuankai tur thu a sawi.

Cooperative Society te chu Mizoram hmel tidanglama, state economy tithang theitu an nih thu sawiin, Cooperation Minister chuan society tin ten annual turnover rate Rs. vbc 1 tal neih theih an inbeisei thu a sawi bawk.#zabilianznews

P.C Vanlalruata chuan central sorkarin White Revolution 2.0 initiative (bawnghnute tharchhuah tihpung tura hmalakna) a kalpui mek bawhzuiin Mizoram sorkar-in MULCO (Mizoram Milk Producers’ Cooperative Union Limited) leh NDDB (National Dairy Development Board) te inremna a siampui thu pawh a sawi a. MULCO tihchangtlunna atan Rs. vbc 24.10 (central sorkar tum vbc 16.78 leh Mizoram sorkar tum vbc 7.32) ruahman a nih thu a sawi.

Silk Samagra 2.0 scheme hnuaia ‘Integrated Muga Silk Development Project’ atan Rs. vbc 5 pawm a nih tawh thu leh, ‘Integrated Sericulture Post-processing Hub’ atan Rs. vbc 125 budget ruahmanna siama thehluh a nih tawh thu a sawi bawk.#zabilianz #zabilianznews #zofatehuapzo