#ZabilianZ June 22, 2026: MNF President Zoramthanga'n MNF-in hniam chang nei ṭhin mahse, Lalpa nghak tlattu leh Pathiana innghat tlat an nihna a lang ṭhin niin a sawi a. "Lalpan min chawisang leh ṭhin," a ti.

MNF party chhung inkhawm vawiina neihah he thu hi MNF President chuan a sawi a. MNF party chu sorkar leh turin a inbuatsaih leh mek nia sawiin, sorkar leh turin a ṭul ang ang an buaipui chhoh mek thu sawiin, "MNF-ah nghet takin, Pathian ring chungin i awm zel ang u," tiin an party mi te a chah bawk.#zabilianznews
MNF President chuan "MNF hian a hranpain ropuina bik kan nei lova, kan danglamna bik erawh chu 'Pathian leh kan ram tan' titu kan nihna hi a ni" a ti a. "Chanchin ṭha hril tura he hnam Pathian tana buatsaih hi MNF tum ber a ni reng dawn" a ti.
Mizoramin remna a neih chu Pathian pek a nih thu Zoramthanga chuan sawiin, "Pathianin remna min pek hi min ninhlei pek a ni lo, remna chanchin ṭha hril zel tur leh a chanchin ṭha kan hril zel theih nan Mizote hi Pathianin remna min pe a ni" a ti a. Khawvelin remna hlutzia an hre zel tih sawiin, MNF pawh remna thlen tura an ṭangkai zia midangin an hre zel niin a sawi bawk.#zabilianz #zabilianznews #zofatehuapzo