Larsap leh Health Minister hovin International Day of Yoga pualin hun hmang

#ZabilianZ June 21, 2026: National AYUSH Mission, Directorate of AYUSH-in 'Yoga for Healthy Ageing' tih thupuia hmangin tukin khan 12th International Day of Yoga pualin 34 Assam Rifles Helipad, Zokhawsang, Aizawl-ah hun an hmang a. Larsap General VK Singh leh Health Minister Lalrinpuii ten an telpui.

Larsap chuan Yoga chu Prime Minister Narendra Modi hmalakna avanga khawvel pum hriathlawh leh ngaihven nia sawiin, khawvel puma International Day of Yoga hman a nih theihna tura UNO-in a pawmpui atanga kum 12-na hmel a hmu ta chu lawmawm a tih thu a sawi.

Yoga chu thlan tihtlak nana ruahman a nih loh thu leh taksa, rilru leh ngaihtuahna te tha taka thlunzawma hriselna tha thlentu a nih thu Larsap chuan a sawi a. A tih dan hrang hrang te chu natna bik tidam thei tura duan, exercise awlsam leh hmanraw mamawh tlem, mitin banphak niin a sawi bawk.#zabilianznews

Health Minister Lalrinpuii pawhin Yoga chuan nitin khawsak buai leh hah tak karah mihringte muanna leh rilru fim a pe nia sawiin, taksa leh rilru sawizawina awlsam leh mitin tana tih theih a nih thu a sawi.

International Day of Yoga pual hian - District Hospital, Health & Welness Centre, Zirna in leh pawl hrang hrang ten an remchan dan angin hun an hmang bawk a. Nimin khan Lunglei, Siaha, Lawngtlai leh Chawngte-ah te 2 Mizo Battalion National Cadet Corps (NCC), Lunglei huaihawtin an lo hmang tawh bawk.#zabilianz #zabilianznews #zofatehuapzo