#ZabilianZ July 1, 2026: Mizoram sorkar-in vawiin atangin Mizotaxi application hman tan turin ti mahse, Mizoram Taxi Association (MTA), Aizawl Two Wheeler Taxi Association (ATTA) leh Aizawl District Auto Rickshaw Owner's Association (ADAROA) member te chuan an hmang ve rih lo.
Aizawla two wheeler leh four wheeler taxi service engemawzat chuan Mizotaxi app chu sorkarin vawiin atanga hman tan turin ti mahse, an hman ve rih loh thu sawiin, MTA, ATTA leh ADAROA hruaitute thu an ngaihchan thu an sawi hlawm a. "Hman ve rih loh tur" tih chu an dinna a la nih thu an sawi hlawm.
Hetih lai hian Mizotaxi app hmang tura inziahluh theih hun tawp nimin tlai dar 4:30 thleng khan taxi - four wheeler 275, two wheeler 681 leh auto rickshaw 17, a vaiin 973 an inziaklut tawh a. Hemi hnu hian inziahluh belh an awm nia thudawn a ni bawk.#zabilianznews
Tarlan tawh thin angin Mizotaxi app hmang tura inziaklut tur ten Rs. 500 an chawi a ngai a, an taxi dam chhung chuan chawi belh ngai a awm tawh dawn lo thung. He application hmang tura inziaklut te chuan state trasport authority-in rate a bituk an zawm a ngai dawn a, taxi/auto rickshaw hmangtu mipuiin zaa 6 atanga zaa 10 vel an chawi a ngai a, hei hi taxi khalhtu hnenah lut phawtin, chumi hnuah application siamtu Digiride hnenah taxi khalhtu ten pe ve leh tura ruahman a ni.#zabilianz #zabilianznews #zofatehuapzo
0 Comments