#ZabilianZ July 1, 2026: Excise & Narcotics Minister Lalnghinglova Hmar-in Narcotics Control Bureau (NCB) Director General Anurag Garg chu vawiin khan New Delhi-a a pisa-ah a hmu a. Aizawla NCB Zonal Office dinna tur pawm a nih tawh thu NCB Director General chuan a lo hrilh.
Excise Minister chuan NCB atanga ruihhlo donaa hman tur motor engemawzat an dawn avanga lawmthu leh tangkai taka hman mek a nih thu NCB Director General chu a hrilh a. Mizoram chu Myanmar ramri depa awm, India rama ruihhlo luhna kawngka pakhat a nih avangin ngaihpawimawh a tul thu leh chak zawk leh awmze nei zawka NCB nen thawhho tul a tih thu a hrilh bawk.#zabilianznews
Ruihhlo do kawngah Excise & Narcotics Department-in awmze neia theihtawp a chhuahna-in rah tha a chhuah mek thu Excise Minister chuan NCB Director General chu a hrilh a. Sorkar leh tlawmngai pawl te thawhho that zarah ruihhlo man zat a pun zel thu te hrilhin, "ruihhlo chu a rem ta a ni lova, a hma anga a tlawm tak loh avangin a vang sawt ni-ah kan ngai,” a ti.
NCB Director General Anurag Garg pawhin ruihhlo do kawnga Mizoram hmalakna te an lo hriat thin thu leh lawmawm a tih thu Excise Minister hi lo hrilhin, Aizawla NCB Zonal Office dinna tur pawh pawm a nih tawh thu a lo hrilh a. A tihhlawhtlin kawnga hmalakpui turin Mizoram Excise Minister chu a lo ngen ve bawk a ni.#zabilianz #zabilianznews #zofatehuapzo
0 Comments