ZPM President mawhphurhna chelh lailawk turin VL Zaithanzama ruat a ni - ZPM Consultant pakhat chawlhtir a ni thung

#ZabilianZ July 8, 2026: ZPM party President Lalliansawta'n damlohna avanga a hna a thawh theih loh chhunga ZPM President mawhphurhna lo chelh lailawk turin Vice President VL Zaithanzama ruat a ni.

ZPM General Administration Department-in hemi chungchanga office order a tihchhuaha a lan danin, ZPM President Lalliansawta chu damlohna avanga hun engemawchen a chawlh a ngaih avangin a chawlh chhung atan Vice President VL Zaithamzama hnenah President mawhphurhna a hlan a. July 10, 2026 atanga thu leh awm hma chuan ZPM President mawhphurhna a la ang.

Hetihlai hian ZPM party Consultant C. Laltanpuia chu party dan kalha a chet avangin Consultant a nihna atanga chawlhtir a ni thung a. Primary member a nihna chungchang erawh chu PAC kuta dah a ni thung.

ZPM chuan an Consultant C. Laltanpuia'n party hruaitute rawn lova press conference kovin, ZPM party tihminghliau zawngin a che niin an sawi a. ZPM sorkar chu nasa takin a sawichhia nia sawiin, ZPM Danpui Article 38 (2) in thuneihna a pek angin ZPM President Lalliansawta'n Consultant a nihna atangin a chawlhtir a ni.

ZPM Consultant, PAC member ni bawk leh Treasurer pawh lo ni tawh C. Laltanpuia hian tunhnaiah thuthar thehdarhtute kawmin, a party awmna a duhkhawplohna engemawzat  leh a policy te a sawi a ni.#zabilianz #zabilianznews #zofatehuapzo