ZabilianZ

#ZabilianZ Feb 23: Mizoram Snooker & Billiards Association (MSBA) buatsaih Mizoram State Snooker championship 2024 - 2025 chu vawiin tlai khan zawhfel a ni a, Lalrina Renthlei a Champion. Mizoram State Snooker Championship final hi vawiin tlai dar 3 khan khelh tan a ni a, Lalrina Renthlei, Tuikhuahtlang leh Lalsangzela, Khatla South leh te inhmachhawnin, Lalrina'n 4-2 (frame 4 - frame 2) a hnehna changin a Champion a ni. Lalrina Renthlei hian semi final-ah PB Liansangzuala, Dawrpui Veng hnehin, Lalsangzela'n Zonuntluanga, Electric Veng a hneh thung.#zabilianz Mizoram State Snooker Championship-ah hian player 42 an tel a, Feb ni 17 aṭang khan MSBA Hall, Hawla Indoor Stadium, Republic Vengthlang-ah khelh ṭan niin, zanin khan a hmawr an bawk ta a ni. Kumin January thla tawp lama 91st Indian National Billiards & Snooker Championship, Indore, Madhya Pradesh-a khelh zawh takah khan Lalrina Renthlei leh Lalsangzela te hi Mizoram aiawhin an tel a, Lalrina (top 16) leh Lalsangze...

#ZabilianZ Feb 22: UD&PA Minister Pu K.Sapdanga'n vawiin khan UD&PA Deptt. hnuaia hnathawh hmun 8 ami tlawhin a endik a. Hna viltu engineer, official te leh mipawimawh dang te nen hna kalpui dan te an thlirho. UD&PA Deptt. hnuaia hnathawh te chu a tha tlang viaua a hriat thu UD&PA Minister chuan sawiin, hnathawktute lawmthu a hrilh a, tha taka chhunzawm turin a chah bawk. Hna thenkhat, tanlak ngai deuh erawh a awm thu Minister chuan sawiin, a thawktu contractor te pawh rintlak leh tang zawka hna chhunzawm turin a chah a ni.#zabilianz UD&PA Ministeer-in vawiina project hrang hrang a tlawh te hi - Zodin Multi Level Parking cum Utility Centre; Reconstruction of Sanitation Site Office, Tuikual; Aizawl Convention Centre (phase I & II), MINECO; Multi Utility cum Community Centre, Tuikual North; Extension of Sports Centre, Chawnpui; Multipurpose Hall, Chawnpui; Multipurpose Community Hall, Zonuam leh Multipurpose Parking cum Vegetable/Meat Market, Chaltlang ami te ...

#ZabilianZ Feb 22: Mizo Zaimi Inzawmkhawm (MZI) Hqrs., Lunglei leh Music Domain Mizoram (MDM) Hqrs., Lunglei-in kumina Lunglei-a Chapchar Kut hmanna turah an member te chu an zai dawn lo tih an sawi. MZI leh MDM Hqrs., Lunglei hruaitu ten vawiin khan Lunglei Press Club-ah thuthar thehdarhtute kawmin he thu hi an sawi a. Kumina Lungleia Chapchar Kut hmanna tura Organising Committee atangin MZI leh MDM aiawh te chu hriattir lawk na awm lova paih an nih thu an sawi a. Organising Committee-in zai tur te a ruat fel hnu ah lakluh leh an nih thu sawiin, zai tur ruat chungchangah hian MZI leh MDM te biakrawn an nih loh thu an sawi.#zabilianz Lungleia Chapchar Kut hmanna Organising Committee thil tih dan chu zaimi te pawl leh zaimite palzutna lian taka an ngai thu Lungleia MZI leh MDM hruaitute chuan an sawi a. Kumina Lungleia Chapchar Kut hmanna ah pawh an member te chu zai ve lo tura thutlukna an siam thu sawiin, zai lui an pawm a nih chuan MZI leh MDM-ah engtikahmah member ni leh thei tawh l...

#ZabilianZ Feb 18: Hangi Lunglen Tlang-a Aizawl Peak Skywalk chu vawiin tlai khan Chief Minister Lalduhoma'n a hawng a. Zanin dar 8 atang khan mipui tan tlawh theiha hawn zui nghal a ni. Technical report-a a lan danin, Aizawl Peak Resort Skywalk structure hi Nail India Adventure, Pune te siam niin, Glass panel - toughened glass 30mm a chhah, meter 10 a sei, meter 2.24 a zau a ni a. Meter khat bialin puitling 7 dawl zovin, a glass chinah mi 135 a ruala awm thei tura duan a ni.#zabilianz An enchhinnaah sand bag kg 9500 an dah a, a him leh him loh entiktu NIT Mizoram lam chuan Kg 100 veka rit mi 150 pawh a rualin kal se, a dawl zo hle dawn niin an ngai a. A enkawltute chuan a rualin mi 20 aia tam lo vel zel an kaltir thung dawn niin an sawi. Chief Minister Lalduhoma chuan Aizawl Peak Resort enkawltu Adviser to CM (Technical) Er. H. Ginzalal te chhungkaw thawhrimna leh inpekna fakin, "India rama solar pumping sang ber an siam hnu ah Mizorama Skywalk hmasaber an siam leh a ni a, ra...

#ZabilianZ Feb 18: Nikum (20240 chhung khan Mizoramah Malaria vei mi 16899 an awm a, heng zinga 8950 te chu Malaria Pf niin, nikum chhung vek khan Mizoramah malaria natna avanga nunna chan mi 7 an awm. H&FW department hnuaia National Vector Borne Disease Control Programme (NVBDCP) hnuaia hmalaknate thlirletna vawiin atanga neihah he thu hi Addl Director (Malaria) State Programme Officer, NVBDCP Dr Chawngthanchhunga'n a sawi a. Nikum khan kumdang zawng aiin Mizoramah Malaria Pv a pung nia sawiin, nikum chhung vek khan Mizoramah Dengue vei hmuh chhuah 744 leh Chikungunya vei hmuh chhuah mi 3 an awm thu a sawi bawk. Mizoram-ah district 4 - Lawngtlai, Lunglei, Mamit leh Siaha district te chu Malaria tam zual bikna te an ni a. A bikin international border – Bangladesh leh Myanmar ramri hrulah te Malaria a tam zual.#zabilianz NVBDCP hnuaiah hian malaria natna laka invenna - thosilen damdawia chiahsa sem te, thosilen pangngai damdawia chiah sak te leh chenna in chhung thosi hlo-a kah ...

#ZabilianZ Feb 17: Adviser to Chief Minister (Finance) TBC Lalvenchhunga'n IAF kuta Airport hlan duhlotu ten kum 2011-ah ram Acre 32 zet Jet Fighter thuhrukna tur an lo pe tawh niin a sawi a. "tun dinhmunah a hlau ber anga an rawn au leh si hi a mak hlein ka hria,” a ti. ZPM party chhung inkhawm vawiina neihah he thu hi TBC Lalvenchhunga chuan a sawi a. "IAF kutah Airport kan pe dawn lova, kan ramin a hlawkpui theihna tur leh changtlung zawka siam kan tum mai a ni" a ti bawk. Kum 2019 leh 2022 ah MNF sorkar pawhin Lengpui-ah ram acre 97-a zau leh Sihphir-ah acre 5-a zau chu IAF hnenah No objection an lo pe tawh niin TBC Lalvenchhunga chuan a sawi a. "Kum 2022-ah AAI in Mizoram sorkar-ah MoU draft a rawn thawn leh a, khatihlaia sorkar MNF-in an tihpuitlin hmain sorkar a inthlak chho zui ta mai zawk a ni" tiin, "ZPM sorkar hmalakna a ni bik lova, party pahnih sorkar tawh te hma lo lak tawh kan bawhzui mai a ni" a ti.#zabilianz Adviser to CM (Finance...

#ZabilianZ Feb 17: MNF Thalai President Robert Romawia Royte-in remna sign hnuah INC leh MNF Legislature Party-in Chief Minister turin Pu Laldenga an ruat nia sawiin, "Local politics-a kan inbeih thinna - 'lal thutthleng a kian' tih nen a inang chiah lo" a ti. MNF party chhung inkhawm vawiina neihah he thu hi MNF Thalai President, Hachhek bialtu MLA ni bawk Robert Romawia Royte chuan a sawi a. State Day (Feb 20) lo chhuah dan tlangpui sawiin, "Peace Accord sign dawn lai khan India danpui hnuaia kan himna turin Pu Laldenga ten Mizoram State Legislature remtihna lak kher ngaia an bilh tel kha a ropui hle" tiin, "Remna ni a ropui em em rualin, remnain a ken tel pawh kan lawm tel a ngai - Article 371G hnuaiah kan hnam, kan sakhua a him tlat a ni," a ti. "Remna sign hnuah INC leh MNF Legislature Party-in Chief Minister turin Pu Laldenga an ruat thlap a. Local politics-a kan inbeih thinna - lal thutthleng a kian tih nen a inang chiah lo", MNF T...

#ZabilianZ Feb 16: Local Council leh Village Council inthlan zawh takah vanduaithlak taka candidate zingah chatuan ram pan an awm avangin Aizawla LC 1 leh Lunglei district-a VC pakhatah a hunah vote thlak theih ni lo mahse, State Election Commission ruahmannain vote thlak zawhfel a ni ta a, result pawh hriat kim a ni ta. Aizawl Municipal Corporation (AMC) hnuaia Lawipu LC chu candidate zingah chatuan ram pan an awm avangin a hunah vote thlak ve thei lovin, February ni 14, 2025 khan vote an thlak a. ZPM leh MNF-in seat 2 ve ve lain, INC-in seat 1 an la a ni.#zabilianz AMC - LC awm zat - 87 Party hrang hrang LC lak zat : ZPM - 47 MNF - 20 INC - 8 IND - 2 Chak zawk awmlohna - 10 AMC-a LC 87-a seat awm zat - 575 General seat - 418 Reserved seat - 157 Party hrang hrang seat lak zat : ZPM - 306 (Gen 233; Res 73) MNF - 157 (Gen 111; Res 46) INC - 104 (Gen 67; Res 37) IND - 8 (Gen 7: Res 1) LMC - LC awm zat 24 Party hrang hrang LC lak zat : ZPM - 8 MNF - 7 INC - 6 Chak zawk awmlohna - 3 LMC-a ...

#ZabilianZ Feb 14: Mizo Zaimi Inzawmkhawm (MZI) General Headquarters-in vawiin khan Aizawl-ah Valentine’s Day mobile charity concert buatsaihin, zanin hian Berawtlang Tourist Resort-ah Valentine’s Day concert an buatsaih dawn bawk. MZI Valentine’s Day mobile charity concert hi rualbanlo naupang, enkawltu mumal neilote enkawlna Bethsaida Children’s Home, Durtlang puala neih niin, Sikulpuikawn-ah bultanin, Israel Point, Dawrpui leh Chanmari kawn-ah te hun an hmang a. LPS Youth Icon Taitea leh Icon star dang - Rsa, Mawimawia, Peter-a, Bka, Kimkima te bakah Mizo zaithiam zinga boruak nei lian tak tak - Zoramchhani, Youngfella, Smiley, Spi te leh hranghlui chuai thei lo - Ngurthangvela leh zaithiam dang tam tak MZI V-day mobile charity concert-ah hian an zai a ni. Zanina Berawtlang Tourist Resort-a V-day concert-ah Icon star J Lalrosanga hovin zaithiam engemawzat an che leh dawn a, hemi chhim tur hian ticket Rs. 200 man lei a ngai dawn thung.#zabilianz Vawiin vek khan Music Domain Mizoram (...

#ZabilianZ Feb 14: Association for Voluntary Blood Donation (AVBD) leh Mizoram State AIDS Control Society (MSACS)-in NHM, blood bank-te leh MDM leh Youth Icon 2024 top 10-te thawhpuiin vawiin khan Mizoram hmun hrang hrangah Valentines Day puala thisen pek runpui an buatsaih a, mi 663-in thisen an pe. V-Day pual hian Civil Hospital, Aizawl-ah thisen unit 304 pek niin, thisen petu mipa 179 leh hmeichhia 125 an ni a. ZMC, Falkawn-ah unit 86 pek niin, thisen petu mipa 55 leh hmeichhia 31 an ni a. Synod Hospital, Durtlang-ah unit 12 pek niin, thisen petu mipa 10 leh hmeichhia 2 an ni. Vawiina V-day puala thisen petu zingah Dawrpui YMA President Lianzama Pachuau pawh telin, a ni hian vawi 50 thisen a pekna a ni. Lunglei-ah V-day pualin mi 101-in thisen an pe a, thisen petu mipa 75 leh hmeichhia 26 an ni a. Champhai-ah unit 42 pek niin, thisen petu mipa 38 leh hmeichhia 4 an ni. Kolasib-ah unit 78 pek niin, thisen petu mipa 54 leh hmeichhia 24 an ni a, Siaha-ah unit 40 pek niin, thisen petu m...

#ZabilianZ Feb 12: Mizo zaithiam langsar ber pawl Feli Fanai chuan February ni 12, 2025 zing dar 2:15 khan chatuan ram a pan. F. Ramdingliana In, Ramhlun North-ah a ruang chawlhpui a nih hnu ah Champhai Venglai-a an In panpui a ni ang. Kum 33 mi Lalnunfeli (Feli Fanai) hi F Lalbiakmawia (L) leh C Lalthantluangi te fanu niin, September ni 8, 1991-ah a piang a, pianpui unau mipa 2 leh hmeichhe 1 neiin, a fapa te pahnih a kalsan bawk a ni.#zabilianz Hrisellohna hrang hrang ten a tlakbuak chhova, han ziaawm deuh thin mahse, damdawi in luh ngai a awm zauh zauh a. Nikum December khan a chauh zual deuh avangin Aizawl Hospital panpui niin, ICU-a enkawl ngai hialin a awm a. Kumin January ni 6 atang khan Ebenezer Hospital-ah enkawl zui ni mahse, hmasawn tak tak hleithei lovin he damdawi in atang hian chatuan ram a pan ta a ni.  Kum 2013 March ni 16 ah music video - John Mawitea leh Mapuii Fanai te hla 'Ka chawi nang che' a tihchhuah hnu lawkah November ni 19, 2013 ah a pa pualin album ...

#ZabilianZ Feb 09: LBS Kia Motors-in nimin khan Ajal Club Park-ah Kia Syros an tlangzarh a, car dang an zawrhte nen a pianhmang leh ruangam a inan loh avangin beiseina an neih san phah thu an sawi. Lalmalsawma Hnamte, Mizoram Lokayukta Dy. Secratary leh LBS Group board member Joseph Lalthanpuia'n Mizorama hralh chhuah turin Syros hi an khuhhawng a, an car dang nena khaikhinin a pianghmang a danglam bik a, Kia-in Carnival electric car a siam chhuah zulzuiin a ruangam duan a ni. Lalmalsawma chuan Kia Syros chu Mizote duh tur leh fuh tak a nih a beisei a, LBS Kia vehicle incharge Vanlalfakawma chuan, India ram SUV khawvela bung thar kaipuitu tur a nih thu sawiin, "a pianhmang, a thatna leh thiamna hrang hrang a ken tel bakah, a him ṭha a, changkang taka thuam a ni", a ti.#zabilianz Kia India senior Vice President Hardeep Singh Brar chuan, lirtheia sumdawng tan kum bultan that a pawimawh tih sawiin, kumin kumtirah Kia Syros an tlangzarh theih avangin tha takin bul an tan chho...

#ZabilianZ Feb 07: Mizo Zaimi Inzawmkhawm (MZI) General Headquarters-in kumin Valentine’s Day - February ni 14-ah hian chhun lamah mobile charity concert buatsaihin, zan lamah Berawtlang Tourist Resort-ah concert an buatsaih dawn bawk. MZI Valentine’s Day mobile charity concert hi rualbanlo naupang, enkawltu mumal neilote enkawlna Bethsaida Children’s Home, Durtlang puala neih tur niin, chawhma dar 10:30-ah Sikulpuikawn-ah Vanlalsailova'n hunserh hmangin a hawng dawn a. Zaithiam te an zai bakah mahni remchan leh phal ang tawka lei theih turin Rose par zawrh a ni ang a, hemi atanga sum lut te chu Bethsaida Children’s Home tana hlan tur a ni dawn a ni. Sikulpuikawn bakah hian chhun dar 12:30 atangin Israel Point, Dawrpui-ah hun an hmang zui leh nghal ang a, chawhnu dar 2 ataingin Chanmari kawn-ah hun an hmang bawk ang.#zabilianz LPS Youth Icon Taitea leh Icon star dang - Rsa, Mawimawia, Peter-a, Bka, Kimkima te bakah Mizo zaithiam zinga boruak nei lian tak tak - Zoramchhani, Youngfel...

#ZabilianZ Feb 06: Vawiin khan DIG (Northern Range) C Lalthanmawia'n Mamit SP office tlawhin, thuthar thehdarhtute a kawm bawk. DIG (Northern Range) chuan "Kan hnathawhna hmun hi kan rawngbawlna pulpit a ni a, rintlak leh theihtawp chhuaha kan thawh hi kan tih tur niin, hmasawnna kawng zawha thawh a tul" a ti a. Rawngbawlna chu Biak In chhungah ni lovin a pawnah zawk nia sawiin, Biak In chu intuaihriamna tur niin a sawi.#zabilianz  Police chu mahni chauha ding thei an nih loh thu DIG (Northern Range) chuan sawiin, "mipui vantlang, tlawmngai pawl leh chanchinbu mite nen thawhhona tha neih a tul" tiin, an ni tel lo chuan hmasawnna tak tak a awm thei lo niin a sawi a. Police hna chu hna pawimawh tak a nih thu pawh sawiin, "dan kengkawhtu kan nihna angin entawntlaka hnathawk tur kan ni" a ti bawk.#zabilianz  DIG (Northern Range) chuan Mamit-a thuthar thehdarhtute kawm nghalin, thuthar thehdarhtute pawhin Mamit district harsatna leh Police hnen atanga distr...

#ZabilianZ Feb 06: VC/LC inthlan lo awm tura duty tur ten vote an thlak theihna hun chu tukin dar 7 atang khan hawn tan a ni a, Mizoram hmun hrang hranga duty ten vote an thlak tan. Inthlan lo awm tura duty tur te hian tun thla ni 8 thlengin zing dar 7 atanga tlai dar 4 thlengin vote an thlak theihna hmun tura ruat-ah vote an thlak thei dawn a ni. Tun thla ni 12-a VC/LC inthlan lo awm tur atan inbuatsaihna a kal chho zel a, mawhphurhna hrang hrang neitute tana training pawh buatsaih chhoh mek zel a ni bawk.#zabilianz #zabilianznews #zofatehuapzo 

#ZabilianZ Feb 06: Higher & Technical Education Department Commissioner and Secretary Pu H. Lalengmawia'n Mizoram state University dinna tur bill buaipui mek a nih thu sawiin, budget session lo awm turah sawiho tura pharh hman tum a nih thu a sawi. He thu hi vawiina Pachhunga University College-a Mizo Deptt-in Thangliana (Thomas Herbert Lewin) kutchhuak leh Sulhnu zirchianna, national seminar an buatsaih a telpuinaah H&TE Commissioner and Secretary chuan a sawi a. NEP 2020-in kum 2035 hnu lamah affiliated college awm a remtih tawh loh avangin, tuna Mizoram University hnuaia college te an awm ang hian an awm thei tawh dawn lova, state sawrkar-in sum harsa chung chung pawhin state university din turin ruahmanna a siam mek niin a sawi. State university chu a hautaklo thei ang ber, clustered University-a din tum a nih thu H&TE Commissioner and Secretary chuan a sawi a. "College leh institution hrang hrang te hman tangkai tum a ni" a ti.#zabilianz Kum 2019-a Prime ...

#ZabilianZ Feb 04: DIPR building thar 'Lianchhiari Rûn' Treasury Square, Aizawla 'Mini Theatre' chu vawiin khan I&PR Secretary Betsy Zothanpari Sailo-in a hawng. Report-a tarlan a nih danin Mini Theatre hi mi 100 len theihna tura duan niin, laser projector leh hmanraw changkang tak tak hmang thuam a ni a. Vawiin atangin film siamtute pawhin I&PR Department-ah dilna thlen hmasain an film siamte man chawia tihchhuahna atan he Mini Theatre hi an hmang thei dawn a ni. Mini Theatre thar hawngtu I&PR Secretary chuan Lianchhiari Rûn-a Mini Theatre buatsaih hawn theiha peihfel a ni chu lawmawm tiin, a hlawhtlin theih na tura thawktute hmalakna ropui a tih thu a sawi a. Harsatna tam tak kara Lianchhiari Rûn sak hna kalpui a nih dan te pawh sawiin, Mini Theatre chu lemchan lama tuimite hmasawnna tura chhenfakawm tak tur a nih thu a sawi.#zabilianz Tunhnaiah Mizoramin film siam kawngah nasa taka hma a sawn leh mipui ten an hlut chho zel nia lang pawh lawmawm a tih thu ...

#ZabilianZ Feb 04: MNF party-in model code of conduct (MCC) bawhchhia nia an hriat avanga Sate Election Commission (SEC)-a an thlen Minister Vanlalhlana'n MCC a bawhchhiat avanga SEC hnena ngaihdam a dilna chu SEC chuan pawmin, ngaihdam a nih thu vawiin khan a puang a. Minister of State Lalnghinglova Hmar erawh chuan MCC a bawhchhe lo niin SEC chuan a tarlang bawk. SEC chuan Lalnghinglova Hmar chuan party mi te hmaah sawrkar hmalakna awm tawh sa leh hmalakna kal mek chungchang a hrilhfiah mai nia sawiin, hei hi MCC-in a sawi 'hmasawnna lam hawia bultanna lungphum leh policy thar puan te, thawh zawh tawh hawn emaw chutiang lam kaihhnawih hawnna inkhawm leh ruahmanna thar lam hawi reng reng puan chhuah loh tur' tihin a huam lo niin SEC thuchhuah chuan a tarlang. Tarlan tawh angin Minister Vanlalhlana leh Minister of State Lalnghinglova Hmar te hi VC/LC inthlan lo awm turah MCC kalh zawngin an che nia ngaiin MNF party chu Sate Election Commission (SEC)-ah an zualko a. SEC-in M...

#ZabilianZ Feb 03: Aizawl Adventist Hospital-a intihbuaina thleng avanga Police-in thuzawhfiah tura an lak mi 5 te chu vawiin khan Court-a hruai an nih thu ah Central Jail-ah dah an ni. Adventist Hospital-a intihbuaina thleng avang hian nimin khan thu zawhfiah turin mi pali - Roderick Thangdingliana Renthlei (32), Zonuam Veng, Aizawl; Lalduhawma Khawlhring (38), Kanan Veng, Aizawl; Lalsangzuala Ralte (33), Luangmual Veng, Aizawl leh Adenego Lalrinawma (31), Chhinga Veng, Aizawl te chu Vaivakawn Police Station-ah koh an ni a, hemi hnu hian an thurualpui mi pakhat - Lalrutdika (35), Ramhlun South chu Police-in an la leh a, an panga hian vawiin khan Court-a an inlan hnu ah Central Jail-ah dahluh an ni.#zabilianz Tarlan tawh angin Adventist Hospital-a January ni 31, 2025 zana intihbuaina thleng hi thianho insual buaina avanga thleng niin Police te chuan an sawi a. Insual buainaa hliam pakhat chu Adventist Hospital-a dah a nih hnu-ah a sualpui chhan tumtu ten damdawi in-ah an luhchilh zui a...

#ZabilianZ Feb 03: Centre for Environment and Social Justice (CESJ)-in Mizoram hmun hrang hranga Police Station te biakpawh harsa thinin mipui tan harsatna a siam thin niin an sawi a. Hemi chungchang hi Chief Secretary hnenah vawiin khan an thlen niin an sawi. CESJ chuan vawiin khan Aizawl Press Club-ah thuthar thehdarhtute kawmin, Police Station te biakpawh an harsat thu an dawn fo avangin Mizorama Police Station 54 te biakpawh an tum thu leh Police Sation pahnih chauh an biakpawh theih thu an sawi a. "He thila mawhphurtu kan Minister pahnih - K. Sapdanga, Home Deptt. changtu leh Dr. Vanlathlana, ICT changtu ten mipui harsatna leh manganna tawk ten police an biakpawh zung zung theihna turin mawhphurhna an hlen thuai kan beisei" an ti. Police station biakpawh theihna atan station officer incharge (OC) te mimal phone number hman a ni tlangpui nia sawiin, 0C te transfer an nihin an kalsan station biakpawh theihna number tarlan update a ni ngai lo niin CESJ chuan sawiin, hei hi ...

#ZabilianZ Feb 03: MNF Adviser, Aizawl Mayor ni bawk Lalrinenga Sailo-in Local Council leh Village Council zingah sawrkar thawhpui thei lo an awm lo nia sawiin, sawrkar laiin party dang LC leh VC te a thawhpui thei lo zawk niin a sawi. MNF party chhung inkhawm vawiina neihah he thu hi Aizawl Mayor chuan a sawi a. Sawrkar-in LC leh VC inthlan a tih hma chhanah chhuanlam tling a awm lo nia sawiin, LC leh VC zingah sawrkar thawhpui thei lo an awm lova, sawrkar zawkin party dang LC leh VC te a thawhpui thei lo zawk niin a sawi a ni. Aizawl Mayor chuan LC chu AMC hnuaia awm a nih thu sawiin, AMC huam chhungah hmasawnna hna thawh tur hmachhawp an ngah thu a sawi a. Central sawrkar atanga kum 2023-2024 fund lo kal tur Rs. Vbc 15 chuang a la awm nia sawiin, 2024-2025 chhungin development fund Rs. Vbc 29 chuang lo kal tur a la awm bakah anamahni thawhchhuah ve Rs. Vbc 13 vel a la awm bawk niin a sawi a. "Hmasawnna hnathawh tur LC ten an la neih ṭeuh laia an term nasa taka pawhtawisak hi a ...

#ZabilianZ Feb 03: Aizawl West-II bialtu MLA Lalnghinglova Hmar-in vawiin khan ZPM party chhung inkhawmah thu sawiin, tunhnaia a biala ZPM Local Council candidate-te inhmuhkhawmna-ah model code of conduct kalhin thu a sawi nia sawi chu thu diklo a nih thu a sawi a, "model code of conduct kalh zawngin thu ka sawi lo" a ti. Lalnghinglova Hmar chuan LC inthlan lo awm tura ZPM candidate te inhmuhkhawmna-ah thu a sawi ngei thu sawiin, sawrkarin a bial tana a hmalak tawhna te a sawi thu a sawi a. A thil sawi te chu project thar ni lo, sawrkar hmalak tawhna a nih thu sawiin, sawrkar pawhin I&PR kaltlanga a paunzar tawh te a sawi nawn ve leh mai chauh niin a sawi. "A lawmawm tehlul nen mi thenkhat chuan State Election Commission-ah 'MCC bawhchhia' tiin min hek ta a ni,” a ti bawk.#zabilianz Aizawl West II bialtu MLA chuan "MCC chuan inthlana vote duh vanga hmalakna thar puan a remti lova, hemi hi hre reng chungin ka thusawinaah pawh sawrkar hmalakna thar tur saw...

#ZabilianZ Feb 03: MPCC President Lal Thanzara'n ZPM sawrkarin BJP an zawmna leh an thu intiamtawn ang an tihhlawhtlin loh avangin BJP sawrkarin a hrek niin a sawi. Taitesena Hall, Kolasib Venglai-a Kolasib Block-I Congress buatsaih political training leh mithar lawmluh inkhawmah he thu hi vawiin khan MPCC President chuan a sawi a. Central dawrtu CM leh Minister te thil hawn chu thlalak thar an neih belh chauh nia sawiin, "BJP duh anga an awm hma loh chuan engmah an ti thei dawn lova, BJP duh anga an awm hun hunah kohhran rilru an hliam dawn avangin tunah hian tuilairapin ZPM sawrkar hi a awm mek a ni", a ti.  Lal Thanzara chuan "Congress sawrkar laiin Mizoramah thlarau lam hlimna leh harhtharna kan chang a, MNF leh ZPM sawrkarah erawh chuan ramin manganna leh tlakchhamna kan tawk" a ti a. Mipui an rum a, mipui hnen thleng phak ruahmanna a awm loh avangin sum harsatna namen lovin a nasa niin a sawi. Congress party chu India zalenna sual chhuaktu, India rama hnam...

#ZabilianZ Feb 02: Aizawl Adventist Hospital-a intihbuaina thleng chungchangah vawiin khan thu zawhfiah turin mi pali chu Vaivakawn Police Station-ah koh an ni a. Naktukah Court-ah hruai an ni dawn nia thudawn a ni. Aizawl Adventist Hospital-a January ni 31, 2025 zana intihbuaina thleng avanga damdawi in hotu ten Vaivakawn Police Station-a FIR an thehluh hnu ah vawiin khan mi pali - Roderick Thangdingliana Renthlei (32), Zonuam Veng, Aizawl; Lalduhawma Khawlhring (38), Kanan Veng, Aizawl; Lalsangzuala Ralte (33), Luangmual Veng, Aizawl leh Adenego Lalrinawma (31), Chhinga Veng, Aizawl nia insawi te chu thu zawhfiah tura koh an ni a, naktukah Court-ah hruai an ni ang. He buainaa inhnamhnawiha puh midang pakhat pawh man tuma zawn mek nia thudawn a ni bawk.#zabilianz He buaina hi thianho insual buaina avanga thleng niin Police te chuan an sawi a. Insual buainaa hliam pakhat chu Aizawl Adventist Hospital-a dah a nih hnu-ah a sualpui chhan tumtu ten damdawi in-ah an luhchilh zui avanga buai...