INC leh MNF Legislature Party-in CM turin Pu Laldenga an ruat - 'lal thutthleng a kian' tih nen a inang chiah lo :MNF Thalai President


#ZabilianZ Feb 17: MNF Thalai President Robert Romawia Royte-in remna sign hnuah INC leh MNF Legislature Party-in Chief Minister turin Pu Laldenga an ruat nia sawiin, "Local politics-a kan inbeih thinna - 'lal thutthleng a kian' tih nen a inang chiah lo" a ti.

MNF party chhung inkhawm vawiina neihah he thu hi MNF Thalai President, Hachhek bialtu MLA ni bawk Robert Romawia Royte chuan a sawi a. State Day (Feb 20) lo chhuah dan tlangpui sawiin, "Peace Accord sign dawn lai khan India danpui hnuaia kan himna turin Pu Laldenga ten Mizoram State Legislature remtihna lak kher ngaia an bilh tel kha a ropui hle" tiin, "Remna ni a ropui em em rualin, remnain a ken tel pawh kan lawm tel a ngai - Article 371G hnuaiah kan hnam, kan sakhua a him tlat a ni," a ti.

"Remna sign hnuah INC leh MNF Legislature Party-in Chief Minister turin Pu Laldenga an ruat thlap a. Local politics-a kan inbeih thinna - lal thutthleng a kian tih nen a inang chiah lo", MNF Thalai President chuan a ti bawk.#zabilianz

Myanmar nena inkalpawhna Free Movement Regime (FMR) chungchang sawiin, Robert Romawia chuan "Kan Chief minister thar chuan Delhi a zin tumin hei hi Central sorkar thu a nih thu a zu thlen" a ti a. "Assembly-ah ZPM MLA-in FMR dodalna a putluh chu zaah zain kan thlawp, amaherawhchu, ni 30.12.2024 khan Mizoram sorkar chuan order tichhuakin Mizo mipuite tan mai ni lo northeast tribal mipuite tana thil tha lo tak FMR hlihna chu kalpui a ni ta a ni" tiin, MNF la sorkar ni sela chuan hei hi an tih loh tawp tur niin a sawi.

MNF Thalai President chuan Central sorkarin Mizoram a zuam ta lutuk nia sawiin, "North East State-ah Mizoram min zuam ber" a ti a. "Hnam party kan sorkar leh thuai loh chuan kan ram leh hnam tan a him dawn lo a ni," tiin, "Nagaland CM pawh Delhi-ah kalin FMR a dodal thu huai takin a puang ngam" a ti bawk.#zabilianz

LC leh VC inthlan zawh tak chungchang pawh sawiin, Robert Romawia chuan Lungleia LMC inthlanah ZPM-in za-a zaa hnehna an chan thu leh a hnua MLA inthlanah pawh Lungleia bial awm te an lak vek thei laiin LC inthlan zawh takah erawh LMC hnuaia LC za-a 40 chauh an la tih a sawi a. Hetiang hi ruling party-te vote hmuh thin dan a ni lo nia sawiin, VC-ah pawh za-a 47 chauh ZPM-in an lak thu a sawi.

Ruling party chuan local body za-a 70-80 vel an la thin tlangpui nia sawiin, tuntuma LC leh VC inthlan result chuan ZPM dinhmun hniam zia a tilang chiang hle niin Robert Romawia chuan a sawi a. ZPM chhiat avangin MNF chu an tha ta viau tihna erawh a nih loh thu sawiin, "Kan insiamthata, kan inenfiah a ngai" tiin, "'Pathian leh kan ram tan' titu hnam party kan nih chuan kan thusawi leh a taka kan tih a inmil a ngai" a ti bawk a ni.#zabilianz #zabilianznews #zofatehuapzo


 

Comments

Post a Comment

Popular posts from this blog

MNF leh Congress Candidate intawm atan Lalrinfeli - chhinchhiahna atan mipa leh hmeichhe inkai

Image
#ZabilianZ Aug 05: Aizawl Municipal Corporation (AMC) Ward VI bye-election lo awm turah AMC-a rorellai MNF leh Congress party an thawkdun dawn a, he ward bialtu Corporator, chatuan ram pan ta John Zosangliana Ralte nupui Lalrinfeli (Mafeli), Chanmari West chu an candidate ințawm a nih tur thu zanin khan an puang a. A chhinchhiahna tur chu mipa leh hmeichhe inkai lai lem a ni ang. MNF leh Congress party candidate ințawm hi zanin khan Indoor Stadium hall, Chanmari West-ah MPCC Vice President, Minister hlui RL Valla"n puangin, campaign khuhhawnna hun a hmang nghal a. MNF Vice President, MLA ni bawk Lalchhandama Ralte leh MPCC Vice President, MLA ni bawk C Ngunlianchunga ten thu an sawi bawk.#zabilianz AMC Ward VI (Chanmari West, Hunthar Veng leh Edenthar Veng) bialtu Corporator John Zosangliana Ralte chuan kumin March 21 khan chatuan ram a pan avanga a hmun ruak hnawhkhat tura bye-election hi buatsaih tur a ni a. Bye-election hi tun thla ni 22-ah neih a ni ang. AMC Ward VI bye-electi...
Read more

Doctor pahnih kutthlak rawntua puh mi 6 police-in an man te bail-in chhuah

Image
#ZabilianZ Sept. 23: Durtlang Leitan bula doctor pahnih kutthlak rawntua puh mi 6 te Police-in an man hnu ah court-ah inlanin, bail-a chhuah tir an ni a. Doctor pahnih kutthlaktua puh zingah hian Police pawh a tel nia thudawn a ni. Thudawn danin kar kalta Inrinni (Sept. 21) zan khan Bawngkawn lam atanga kala Durtlang Leitan thlen chhoh hma deuh ah Synod Hospital, Durtlang-a thawk doctor pahnih chu kutthlak rawn an ni a. Pawikhawihtute hian doctor pahnih te hi motor atanga hnukchhuakin kut an thlak a, nikhawhrelo khawpa sawisain, an lu ah hliam na tak an tuar niin thudawnna chuan a sawi.#zabilianz He thil thlenna hmun nia sawiah hian Inrinni kalta zan khan intibuai an awm a, intihbuainaa tel pakhatin hetih laia an bula lo ding doctor te a va bia chu a lehlam chuan a thian te a punah ngaiin, motor-a chuang doctor pahnih chu hnukchhuakin kut an thlak rawn ta mai niin thudawnna chuan a sawi a. Doctor kutthlaktute hi Durtlang lam mi an ni lo vek niin a sawi bawk. He thil thleng chungchangah...
Read more

Feli Fanai a chawl ta

Image
#ZabilianZ Feb 12: Mizo zaithiam langsar ber pawl Feli Fanai chuan February ni 12, 2025 zing dar 2:15 khan chatuan ram a pan. F. Ramdingliana In, Ramhlun North-ah a ruang chawlhpui a nih hnu ah Champhai Venglai-a an In panpui a ni ang. Kum 33 mi Lalnunfeli (Feli Fanai) hi F Lalbiakmawia (L) leh C Lalthantluangi te fanu niin, September ni 8, 1991-ah a piang a, pianpui unau mipa 2 leh hmeichhe 1 neiin, a fapa te pahnih a kalsan bawk a ni.#zabilianz Hrisellohna hrang hrang ten a tlakbuak chhova, han ziaawm deuh thin mahse, damdawi in luh ngai a awm zauh zauh a. Nikum December khan a chauh zual deuh avangin Aizawl Hospital panpui niin, ICU-a enkawl ngai hialin a awm a. Kumin January ni 6 atang khan Ebenezer Hospital-ah enkawl zui ni mahse, hmasawn tak tak hleithei lovin he damdawi in atang hian chatuan ram a pan ta a ni.  Kum 2013 March ni 16 ah music video - John Mawitea leh Mapuii Fanai te hla 'Ka chawi nang che' a tihchhuah hnu lawkah November ni 19, 2013 ah a pa pualin album ...
Read more