V-Day pualin mi 600 chuangin thisen an pe

#ZabilianZ Feb 14: Association for Voluntary Blood Donation (AVBD) leh Mizoram State AIDS Control Society (MSACS)-in NHM, blood bank-te leh MDM leh Youth Icon 2024 top 10-te thawhpuiin vawiin khan Mizoram hmun hrang hrangah Valentines Day puala thisen pek runpui an buatsaih a, mi 663-in thisen an pe.

V-Day pual hian Civil Hospital, Aizawl-ah thisen unit 304 pek niin, thisen petu mipa 179 leh hmeichhia 125 an ni a. ZMC, Falkawn-ah unit 86 pek niin, thisen petu mipa 55 leh hmeichhia 31 an ni a. Synod Hospital, Durtlang-ah unit 12 pek niin, thisen petu mipa 10 leh hmeichhia 2 an ni. Vawiina V-day puala thisen petu zingah Dawrpui YMA President Lianzama Pachuau pawh telin, a ni hian vawi 50 thisen a pekna a ni.

Lunglei-ah V-day pualin mi 101-in thisen an pe a, thisen petu mipa 75 leh hmeichhia 26 an ni a. Champhai-ah unit 42 pek niin, thisen petu mipa 38 leh hmeichhia 4 an ni. Kolasib-ah unit 78 pek niin, thisen petu mipa 54 leh hmeichhia 24 an ni a, Siaha-ah unit 40 pek niin, thisen petu mipa 31 leh hmeichhia 9 an ni.#zabilianz


Valentines Day puala thisen pek hi kum 2010 tuna AMC Corporator ni ta Chuauzikpuii Pachuau leh a thian ten 'Blood for your Valentine' tia bultanin, hemi tun hian mi 146 (Mipa 116; Hmeichhia 30)-in thisen an pe a. Kum 2011-ah pawh Zikpuii leh a thian te thovin huaihawt lehin unit 350 (Mipa 251; Hmeichhia 99) pek a ni.

Kum 2012-ah pawh Aizawl-ah Zikpuii leh a thian te bawkin buatsaih lehin hemi kumah hi chuan Mizoram khawpui dangah pawh mithahnemngai ten an buatsaih ta a. Aizawl-ah mi 414 (mipa 301; hmeichhia 113)-in thisen an pe a. Lunglei-ah mi 149; Lawngtlai-ah mi 65 (mipa 54; hmeichhia 11); Serchhip-ah mi 45 (mipa 27, hmeichhia 18); Kolasib-ah mi 29 in thisen an pe bawk.#zabilianz

Kum 2013 atangin Association for Voluntary Blood Donation (AVBD) bultumin V-day puala thisen pek runpui chu neih a ni ta a. Hemi tum hian mi 759-in thisen an pe a. Aizawl-ah mi 394 (mipa 284; hmeichhia 110); Lunglei-ah 152 (mipa 103; hmeichhia 49); Lawngtlai-ah 87 (mipa 66; hmeichhia 21); Serchhip-ah 76 (mipa 37; hmeichhia 39) ten pein, Synod Hospital, Durtlang-ah mi 50 in an pe bawk a ni.

Kum 2014-ah Mizoram hmun hrang hranga V-day puala thisen pek zat chu unit 940 a ni a, 2015-ah unit 750; 2016-ah unit 415; 2017-ah unit 511; 2018-ah unit 1012; 2019-ah unit 905; 2020-ah unit 1131; 2021-ah unit 467; 2022-ah unit 931; 2023-ah unit 1113; 2024-ah unit 1105 niin, tuntuma pek unit unit 663 nen Mizoram-ah V-day puala thisen pek tawh zawng zawng chu unit 11,900 a tling tawh a ni.#zabilianz #zabilianznews #zofatehuapzo