#ZabilianZ June 30, 2026: PHE Minister Prof Lalnilawma'n AMRUT 2.0 hnuaia PHE-in project a kalpui mek, veng hrang hrang septic tank thli sawngbawlna tur -Sewerage & Septage Treatment Works for Zone-7, Aizawl City Small Bore Sewer, Tuikual Lui- chu Inrinni zan khan a tlawh.
He project atan hian Rs. vbc 37, nuai 76, sing 8, sang 5 leh 198 ruahman niin, Ace Alliance Pvt. Ltd., Guwahati, Assam-in August ni 5, 2024 atang khan an thawk tan a, August ni 5, 2026 a thawh zawh tura ruahman a ni. Project zawh atanga kum 2 chhung (August ni 5, 2028 thleng) contractor ten enkawlin an vil zui dawn tih sorkar thuchhuah chuan a tarlang bawk.#zabilianznews
He project-a pipe phum tur km. 31.41 a thui niin, km. 8.6 a thui phum tawh a ni a. Pipe phum hna chu zan dar 9 atanga a tuk zing dar 5 thleng thawh thin a ni. He project hian Tuikual luia thli luang - veng hrang hrang 10 - Chawnpui, Tuikual North, Tuikual South, Dinthar, Dawrpui Vengthar, Vaivakawn bakah Kanan, Khatla, Dawrpui leh Zarkawt veng atangin a lakhawm dawn niin sorkart thuchhuah chuan a tarlang a ni.
Sorkar thuchhuahin a tarlan danin, he hmalakna hi ek thli leia thamral emaw luikawra paih ṭhin te tihbona hmanrua a ni dawn a. Hei hian soak pit mamawhna tibovin, vantlang hriselna atan hmasawnna a thlen bakah leimin laka invenna a nih tel beisei a ni. Pipe hmanga septic tank thli lakkhawm te chu sorkar ram MINECO-a a tihthianghlimna hmun -Sewage Treatment Plant a sawngbawl tur a ni a. Sawngbawl thianghlim tawh chu leiṭha leh thil dangah hman leh theih tur a nih thu sorkar thuchhuah chuan a tarlang bawk.#zabilianz #zabilianznews #zofatehuapzo
0 Comments