ICT Minister-in Mizoram Civil Registration System (CRS) Portal a tlangzarh

#ZabilianZ June 30, 2026: Information & Communication Technology (ICT) Department leh Directorate of Economics & Statistics te thawkdunin an siam - Mizoram Civil Registration System (CRS) Portal chu nimina National Statistics Day hmannaah ICT Minister Dr Vanlalthlana'n a tlangzarh.

CRS hi Mizorama piang leh thi chhinchhiahna tura siam niin, Central Sorkar CRS Portal nena inchawmtawn thei tura duan a ni a. MeitY Empanelled CSP hnuaiah Cloud leia he portal hi siam a nih thu sorkar thuchhuah chuan a tarlang.#zabilianznews

CRS portal tlangzarhtu ICT Minister chuan khawvel thang zel leh changkang zelah data leh statistics pawimawhna a lan chian telh telh thu a sawi a. Sorkar tha taka a kal theihna turin data dik sorkarin a mamawh thu leh thuthlukna fel leh dik siamna atana pawimawh ber pakhat pawh a nih thu a sawi.

'Unlocking the potential of administrative data' tih thupuia hmanga National Statistics Day hmannaah hian ICT Minister Dr. Vanlalthlana chuan data dik neih bakah data phena thil thlen chhan chhui a pawimawh tel thu te a sawi bawk.#zabilianz #zabilianznews #zofatehuapzo