#ZabilianZ July 2, 2026: Sorkar kum liamta - 2025-2026 chhungin Anti-Corruption Bureau (ACB), Mizoramin eirukna kaihhnawih complaint chi hrang hrang 17 a dawn zinga 15 te preliminary enquiry neiin, thubuai 6 a ziaklut.
ACB annual report hmasaber -ACB annual report 2025-26- chu vawiin khan Chief Minister Lalduhoma'n a tlangzarh a. Report-a a lan danin, kum 2025-2026 chhung khan ACB-in preliminary enquiry 14 an ti zova, thubuai 7 a chingfel bawk.
Kum 2010 atanga 2026 - kum 16 chhungin Mizoramin corruption thubuai chi hrang hrang 35 chargesheet atangin corruption-a inhnamhnawih mi 112 te Special Court, PC Act-in thiamloh chantirin hremna a pe a ni.#zabilianznews
Chief Minister Lalduhoma chuan ACB-in annual report a vawikhatna atana a buatsaih thei chu lawmawm a tih thu sawiin, "he annual report hian sorkar hnathawk ten rinawm leh dik taka an mawhphurhna an hlen a pawimawh zia te, sum enkawlnaah dik taka thil tih a tul zia te min hrilh thar dawn a ni" a ti a. Corruption chu rorelna tha siamna daltu leh ram hmasawnna tichhetu a nih thu a sawi.
Corruption do chu agency pakhat mawhphurhna chauh ni lovin, mipui zawng zawng leh sorkar hnathawk zawng zawngte mawhphurhna a ni zawk tih hriat tlan a tul thu pawh Chief Minister chuan a sawi a. Hlemhletna do tura chak taka hmalak a tul avangin sorkar-in ACB leh Mizoram Lokayukta chu a thuamchak nia sawiin, a thawktute pawh lo intuaihriam zel tura an beisei thu a sawi bawk#zabilianz #zabilianznews #zofatehuapzo
0 Comments