#ZabilianZ July 3, 2026: Higher & Technical Education Minister Dr. Vanlalthlana'n higher education tan theihtawp an chhuah thu sawiin, tunhnaiah Assistant Professor 36 chu a ngheta lak an nih bakah RUSA Assistant Professor 58 lak ngheh an nih thu a sawi.
Higher & Technical Education department kal dan leh hmalakna thlirleta thutkhawmah he thu hi vawiin khan H&TE Minister Dr. Vanlalthlana chuan a sawi a. Contract Assistant Professor 170 dah ngheh an nih tawh thu pawh sawiin, "heng thawktu lak belhna, human resource tihchangtlunna hian mihringa theihna awm chu ṭangkaia hman chhuahtir a tum tur a ni" a ti.
Dr Vanlalthlana chuan, "Kan kal dan leh hmalakna kan thlir hova kan ennawn hian kan chak a, chu chuan min nawr kal ṭhin’ a ti a. Higher & Technical Education Department official te thawhho ṭhat zarah hmasawnna duhawm tak tak Mizoramin a hmu nia sawiin, "Mizoram Engineering College pawh class ṭan theih tura kalpui mek niin, Mizoram State University din thar pawh class kalpui a nih thuai theihna tura hmalak zel a ni" a ti bawk.#zabilianz #zabilianznews #zofatehuapzo
0 Comments