#ZabilianZ July 3, 2026: MPCC President Lal Thanzara'n kumin Remna Ni ah mi tam tak chuan Lal Thanhawla hming lam rik an hreh viau nia sawiin, Home Minister K. Sapdanga'n remna atana Lal Thanhawla inpekna a sawi erawh chu lawmawm a tih thu a sawi.
Congress party political session vawiina neihah he thu hi MPCC President chuan a sawi a. Kumina Remna Ni lawmnaah Home Minister-in remna atana Lal Thanhawla inpekna a chawimawi nawn leh thu a sawi tih sawiin, "political session kan neih kaltlang hian Home Minister hnenah lawmthu ka sawi a ni." a ti.#zabilianznews
MPCC President chuan BJP chungchang pawh sawiin, "kan sawi zin ngaihtuahin mi thengthawngah a lut lova, kohhran hruaitute pawhin kan beisei angin an dawngsawng lo emaw tih tur a ni" a ti a. "Mahse, kohhran chetlakna chu keini hriatphak a ni lova, nasa takin hma an lo la pawh a ni thei" tiin, "BJP lo lian zel leh an hmalakna hi ngaihmawh nachang kan hre lova, dodal nachang kan hre lo a nih chuan nakinah kan inchhirin ban a chen ang tih a hlauhawm" a ti bawk.
BJP sorkar-in Foreign Contribution Regulation Act (FCRA) hmangin NGO sing 2 chuang license a renew sak duh tawh lo nia sawiin, "hei vang hian damdawi in, fahrah chawmna, zirna in hrang hrang kohhran leh kristian group ten an enkawl te chuan harsatna namenlo an tawk tawh a ni" a ti a. He dan hi khauh zawka siamthat leh tum a nih avangin Delhi-ah Kristian pawl hrang hrang inzawmkhawm ten an dodal mek nia sawiin, "BJP-in an tum anga an kaltlangpui lui a nih chuan Christian Institution te hi che thei lovin siam an ni dawn" a ti a. Mizoram Synod hnuaia kohhran te pawh Pathianni kalta khan he dan siamthat tumna kaltlangpui a nih loh na turin an tawngtairual thu a sawi bawk a ni.#zabilianz #zabilianznews #zofatehuapzo
0 Comments