#ZabilianZ Aug 22, 2026: Mualthuam North-a pawikhawihna thleng chungchangah pawikhawihtu nia rinhlelh pahnih ten pawikhawihtu ngei an nih thu Police hmaa an puan hnuah an chhung te ve ve in ngaihdam dilna leh thupha chawina an tihchhuah hnuin, pawikhawihtu nia insawi pahnih zinga pakhat zawk Lalneihkima nupui chu zanin khan thupha chawiin pawikhawihna tuartu te in-ah a kal.
Tarlan tawh angin kum 15 mi H. Lalramdinpuii, Mualthuam North thihnaa mawhphurtu nia rinhlelh mi pahnih - Denghmingthanga (20) leh Lalneihkima (34) ten he pawikhawihnaa mawhphurtu an nih thu Police hma-ah an puang tawh a. An chhung te ve ve pawhin khawtlang leh ram mipui hnena thupha chawina leh ngaihdam dilna an tichhuak ve ve tawh bawk.
Pawikhawihtua puh chhung te ve ve chuan he thil thleng pawi an tih thu leh zahthlak an tih thu tarlangin, a tuartu chhung te, khawtlang leh ram mipui hnenah thupha chawiin ngaihdam an dil a. Pawikhawihtu ten an phu tawk hremna an hmuh ngei an duh thu an tarlang.#zabilianznews
Thiamthu sawi thei lo dinhmuna an ding chung pawha khawtlangin an laka zahngaihna an lantir avanga an lawmthu leh an khawtlang hruaitute leh YMA hruaitute remruatnaah lawmthu an sawi bawk.
Pawikhawihtu nia insawi pahnih chhung te ve ve in thupha chawina leh ngaihdam dilna an tihchhuah hnuah pawikhawihtu nia insawi zinga pakhat zawk Lalneihkima nupui chu H. Lalramdinpuii te in-ah kalin thupha a chawi a, ngaihdam a dil a ni.#zabilianz #zabilianznews #zofatehuapzo
0 Comments