MNF thalaiin Lengpuia Race Track siam mek ngaihthahah sorkar an puh

#ZabilianZ Sept 11, 2026: MNF thalaiin sorkarin Lengpui Race Track siam mek panna kawng a ngaihthah avangin hnathawh a thuanawp mek niin an sawi.

MNF thalaite chuan Mamit bialtu MLA H. Lalzirliana hovin nimin khan Mizoram State Sports Council REC Motorsports Race Track, Lengpuia siam mêk chu an tlawh tih sawi a. MNF sorkar hun tawp 2023 December-ah zaa 90 zawh hman a nih thu sawiin, "sum awm sa vek a nih avangin November 2024-a hawn ngei beisei a nih laiin tunah pawh hawn theih a la ni lo hi ZPM sorkarin he race track a ngaihthah vang leh SASCI sum tam tak a tih lapse nghawng ni ah kan ngai" tiin, "MNF kha sorkar zel ni se chuan kum 2024-ah he race track hi hawn a ni ang a. REC nena lo sawi lawk tawh angin Eastern India-a a hmasaber ni turin March 2025-ah he hmunah hian REC International Racing Competition 2025 neih a ni tawh ang", an ti bawk.

Bialtu MLA H Lalzirliana chuan Lengpuia Race Track siam mek chu MNF sorkar lai kum 2022-ah Rural Electrification Corporation (REC) CSR fund leh SASCI sum tangkawpa bultan a nih thu leh North East-a race track hmasaber tur a nih thu a sawi a. "Ram rohlu assets insiam siak kawngah sorkar mêk leh sorkar lo la awm zel tur te hi kan intlansiak a pawimawh hle a ni" a ti bawk.zabilianz #zabilianznews #zofatehuapzo