#ZabilianZ Sept 15, 2026: Mizoram sorkarin Sethawn-a Jordan Centre enkawl hna kum 15 chhung atana Mizoram Synod kuta a hlan hnuah Jordan Centre Managing Committee-in Jordan Centre-a hna hrang hrang thawk tur a la thar a. Thawktu lak thar te hian naktuk (September ni 16, 2026) atangin an hna thar an zawm ang.
Jordan Centre Managing Committee-in Jordan Centre-a thawk tur a lak thar te hi - Counsellor 4, Driver 2, Cook 4, Grade IV 4 leh Security Guard 12 an ni a. Counsellor atana lak te - Lalruatkima, M.Sc. (Clinical Psy.), Zemabawk North; Lallawmsangi, BD, M.Th., Sihphir Venghlun; Vanlalrohlui, BA, MSW, C.Th., DCPC, Bawngkawn South leh Zohmingmawii, MA (Psy.), Kawnpui Hmar veng te an ni.
Driver atana lak mi pahnih te mipa ve ve niin, Cook atana lak pali zinga 1 mipa niin, hmeichhia 3 an ni a. Grade IV atana lak mi pali te mipa leh hmeichhia pahnih ve ve niin, Security Guard atana lak mi 12 te mipa vek an ni.#zabilianznews
Tarlan tawh angin Jordan Center chungchangah rei tak sorkar leh Synod an indawr hnuah Synod Inkhawmpui 2025-in ruahmanna hrang hrang te pawmin, kum 15 chhung Jordan Center enkawl turin kumin April ni 6 khan inremna an ziak a. Sorkar leh Synod inremna ang chuan sorkarin Synod hnenah kumtin tanpuina (grants-in-aid) Rs. nuai 50 a pe ang a, kum 2 danah 5%-a tihpun thin a ni ang.
Jordan Center hi sorkar laipuiin inkaihhruaina zuia din niin, mipa leh hmeichhe ruihhlongai enkawlna hmun a hrang ve ve-a awm a. Office building, damdawi in leh thawktu chenna, chhungkaw 30 vel awm theihna building 9 bakah building hrang hrang - counselling, detox, recreation, dorm, chapel leh a dang te bakah bungraw mamawh hrang hrang te pawh a awm a ni.zabilianz #zabilianznews #zofatehuapzo
0 Comments