#ZabilianZ Sept 17, 2026: Finance Ministry-in UPI (Unified Payments Interface) hmanga Rs. 2000 aia tam thawn man chawi ngai tawh tura ruahmanna a siam chu Advocate Anjan Datta chuan Supreme Court-ah a khing.
Thubuai thehluttu chuan sorkar laipui, Reserve Bank of India (RBI), National Payments Corporation of India (NPCI) leh UPI & Services Steering Committee lakah te thubuai thehlutin, he ruahmanna hi a tawpah chuan consumer ten an tuar thei dawn niin a sawi a. Sumdawng ten pawisa chawi ngai chu indirect-in mipuite an chawitir thei tih sawiin, hemi chungchanga Finance Ministry-in hriattirna a lo tihchhuah tawh chu sut leh a phut a ni.
Sorkar chuan he dan thar hi payment and settlement systems act, 2007 zulzuia siamin, sumdawnna thila UPI hmanga pawisa inthawnah Merchant Discount Rate (MDR) thar a siam a. Mimal leh mimal inkara UPI hmanga pawisa inthawnah erawh pawisa chawi a awm loh tur thu leh sumdawnnaa Rs. 2000 hnuai lam inthawnah pawh chawi a awm loh tur thu a sawi.#zabilianznews
Sumdawng lian ni lo, zero-MDR scheme-in a huam te pawh he pawisa chawi tur hian a huam dawn lova. MDR hian mimal leh sumdawng inkara (person-to-merchant (P2M)) UPI hmanga Rs.2000 aia tam pawisa inthawn chauh a huam ang.
Sorkar chuan bank-te leh UPI app te chu he sum chawi ngai hi mipui te chawitir lo turin a hriattir a. Sawndawnnaa UPI hmanga pawisa inthawn zaa 96 vel chu he notification hian a nghawng dawn lo niin sorkar lam chuan an swi bawk.zabilianz #zabilianznews #zofatehuapzo
0 Comments