District hrang hrangah Bana Kaih (handholding) scheme hnuaia CM Special Package sem

#ZabilianZ Sept 15, 2026: Aizawl, Kolasib, Serchhip leh Lawngtlai district-ah vawiin khan Bana Kaih (handholding) scheme hnuaia CM Special Package dawng tura thlan te hnenah tanpuina Rs. sing 5 theuha sem a ni. Aizawl district-ah chuan CM special package phase –2 (III) hnuaia tanpuina dawng tura thlan mi 683 te hnenah sem a ni a. Tanpuina dawngtu - Commerce & Industries hnuaiah 299, AH&Vety hnuaiah 293; Horticulture-ah 32; Cooperation leh Tourism-ah 13 ve ve; Sericulture-ah 8; Fisheries-ah 6; LESDE hnuaiah 5; Agriculture, LRS &WC leh UD&PA hnuaiah 4 theuh leh Sports-ah 2 te an ni.

Kolasib district-ah CM Special Package phase-II dawng tura thlan mi 176 te hnenah tanpuina sem a ni a. Kolasib district-a dawngtute hi - line department hrang hrang - Agriculture, Cooperation, LRS&WC, Tourism leh Commerce & Industries hnuaia dawng te an ni. Serchhip district-ah mi 176 te hnenah CM special package phase-II sem a ni a. AH&Vety hnuaia dawng mi 63, Commerce & Industries hnuaia dawng mi 47, Horticulture-ah 44, Agriculture-ah mi 7, Fisheries-ah mi 4, Sericulture-ah mi 3 leh Tourism-ah mi 1 te an ni.

Vawiin vek khan Lawngtlai-ah pawh CM special package phase-II hi sem a ni a. District hrang hranga CM special package semnaah te hian line department ten tanpuina dawngtute pualin training an pe nghal vek bawk.zabilianz #zabilianznews #zofatehuapzo