#ZabilianZ Sept 4, 2026: Bairabi leh Katakkhal, Assam inkar, Jamira-ah leiminin nimin tlai atang khan rel service a tikhaihlak a. He leimin hian rel kawng metre 50 vela thui a nghawng niin Northeast Frontier Railway hotute chuan an sawi.
Northeast Frontier Railway-a Chief Public Relations Officer (CPRO) Kapinjal Kishore Sharma sawi danin, Bairabi - Katakkhal inkar rel kawng chu khar rih a ni a. Leiminin a tihchhiat rel kawng siam hna thawh nghal a ni.
Bairabi leh Katakkhal inkara leimin avang hian rel service engemawzat tihtawp rih a ni a. Sairang - Guwahati express chu Bairabi atangin Sairang-ah let tir leh niin, khualzin Aizawl lam pan leh mi 900 vel tan tan bus 16 ruahman a nih thu NE Frontier Railway CPRO chuan a sawi a. Silchar atangsa Bairabi pan pawh Jamira-ah din tir niin, Guwahati atanga Sairang pan pawh Hailakandi-ah din tir rih a nih thu leh khualzin tangkhang te ei leh in tur leh thil dangah te ruahmanna siam chhoh zel a nih thu a sawi.
Railway hotute chuan rel service leh thuai thei tura theihtawp chhuah a nih thu an sawi bawk.#zabilianz #zabilianznews #zofatehuapzo
0 Comments