Court-in Marina Lalchhanchhuahi tualthih chungchanga Police press statement hnukkir tur leh RL Peka chhungte chunga dan kalha che te laka FIR bawhzui rang turin a ti

#ZabilianZ Aug 31, 2026: High Court-in nikum (2025) December-a Tanhril nula Marina Lalchhanchhuahi tualthih chungchanga Mizoram Police-in kumin January ni 27-a press statement an tihchhuah chu hnukkir turin a hriattir.

RL Peka (L) chhungte chunga dan kalha che te laka FIR thehluh tawh te pawh bawhzui rang turin Court chuan a ti a. Hemi kawngah hian Police lam inthlahdahna a awm a nih chuan Supreme Court-in a sawi angin Police lam pawh hrem an nih tur thu pawh tarlang niin, Supreme Court-in hetiang thil a lo thlena, Police-in mipui a hriattir dan tur kaihhruaina a siam - 'Police manual for media briefing' pawh Police Station zawng zawnga hriattir vek turin thu a pe bawk.#zabilianznews

Supreme Court-in thupek a lo chhuah tawh angin thubuai thehluttu chhungkua hnena zangnadawmna pek dan tur ngaihtuah turin Claims Commission pawh din nghal niin, thla thum chhunga ngaihtuah fel turin Court chuan a ti a. Thubuai thehluttu RL Peka (L) nupui-in Tanhril atanga chhuak tura an tihna sut tura a dilna erawh chu Court-in thutlukna a siam hmain kumin June ni 10 khan Tanhril NGO hruaitu ten an sut tawh tih tarlan a ni.

He rualthihna kaihhnawiha buaina chhuakah dan kengkawhtu tur te berin mipui thinrim pungkhawm laka dan kenkawh kawnga an hlawhchham thu an sawi chu thil vanduaithlak ber nih thu pawh Court chuan a tarlang a. He buaina ah hian mipui pngkhawm an tam lutuk avangin RL Peka (L) chhung te venhimna an pek theih loh thu Police-in an sawi laiin, mipui pungkhawm laka RL Peka (L) chhungte venghim tura an hmalakna erawh engmah an tarlang leh si lo niin Court chuan a tarlang bawk.#zabilianznews

He tualthihna chungchanga Mizoram Police press statement-ah khan Marina Lalchhanchhuahi thihna chungchanga pawikhawihtu ber chu RL Peka (62), Tanhril Vengpui a ni tih hmuh chhuah a nih thu tarlan a ni a. Tarlan tawh angin RL Peka hi December ni 16, 2025 khan an chenna in atanga tla-in a thi a ni.

He thubuaiah hian thubuai thehluttute aiawhin JC Lalnunsanga a ding a, sorkar lam aiawhin Lalnunhlui a ding thung.#zabilianz #zabilianznews #zofatehuapzo