#ZabilianZ Sept 15, 2026: Supreme Court-in Juvenile Justice (JJ) Act Section 94 hnuaia kum zat finfiahna atana lehkha pawimawh hrang hrang thlan bik zingah Baptisma Certificate a tel ve loh thu leh JJ Act hnuaia pawikhawihna tuartu kum finfiahna atan amah maia hman theih a nih loh thu a sawi.
Meghalaya mi Pynchemalangaki Bareh chu hmeichhia kum 13 mi pawngsuala puh niin, POCSO Act tlawhchhana thiamloh chantir a ni a. Trial court-in kum 20 tang turin a hrem a, hei hi Meghalaya High Court-in a pawmpui bawk.
He thubuai chhuitute chuan pawngsual tawk nia sawi hmeichhe baptisma certificate leh a nu thusawi chu a kum zat tifiahtu atan hmang mahse, JJ Act-in a phut sikul atanga kum finfiahna certificate emaw birth certificate emaw an nei lo thung.#zabilianznews
Hmeichhe kumtlinglo pawngsualtua puh chu High Court thutluknaah lungawi lovin, Supreme Court-ah a zualko a. Supreme Court chuan JJ Act Section 94 hnuaiah kum zat finfiahna atan lehkha pawimawh hrang hrang a ngai tih a sawi a. Baptisma Certificate chu kum zat finfiahna atana lehkha pawimawh thlan bik zingah a tel ve loh avangin he thubuai chhuitute chuan pawngsual tawk hmeichhia chu POCSO Act hnuaiah kumtlinglo a ni ngei tih dan angin an nemnghet zo lo a ni.
Pawngsual tawk hmeichhe thusawi, medical lama finfiahna leh forensic atanga finfiahna te aṭangin hmeichhia chu pawngsual ngei a ni tih erawh finfiah a nih avangin POCSO Act hnuaia thiamloh chantirna chu sutin, kum 10 tang tur leh Rs. 10,000 chawi tura hrem a ni ta zawk bawk.zabilianz #zabilianznews #zofatehuapzo
0 Comments